Elimizde koronavirýs pandemiiasy kezinde oryn alǵan tótenshe jaǵdaida jerlesterin umytpai, Nur-Sultan qalasynan taǵam tielgen arnaiy júk kólikteri 200 qap un, 200 dana 5 litrlik suiyq mai jáne 200 dana 5 kelilik makaron ónimderin eshkimdi bóle-jarmai barlyǵyna úlestirip berdi.
Turǵyndar óz aýylynan shyqqan azamatqa shynaiy alǵystaryn bildirdi.
Kóp balaly ana Raihan Qusainova «Osyndai qiyn kezde, alysta júrsede, bizdi, jerlesterin umytpai, kómegin bergen Aidyn myrzaǵa rizashylyǵymy sheksiz. Árqashanda tek osyndai jaǵdaida ǵana emes, únemi kindik qany tamǵan týǵan aýylyna qol ushyn berip turady» deidi.
Elimizge jomarttyǵymen de tanylǵan Aidyn Jumadiluly jalpy Kókpekti aýdanyna jan-jaqty kómekter kórsetip turady.
Búgingi kúni onyń demeýshiligimen úsh jyl boiy Qulynjon aýylyndaǵy orta mekteptiń barlyq oqýshylary tegin ystyq tamaqpen qamtylyp otyr.
Sonymen qatar 2016 jyly 108 bala oqityn osy mektepke kúrdeli jóndeý jumystaryn júrgizip bergen. Jáne aýyl turǵynadryna qajet traktor tirkemesimen syiǵa tartqan.
Únemi jyraqta júrsede týǵan jerin umytpaǵan azamatqa Qulynjon aýyldyq okrýgynyń ákimi Samarqan Demesinuly «Aidyn myrzanyń jomarttyǵynda shek joq.
Aýyly dese ishken asyn jege qoiatyn azamat. Tek bizdiń aýylǵa nemese aýdanǵa ǵana emes, elimizdiń ár túkpirindegi jandarǵa qol ushyn berýde. Mine búgin aýylymyzǵa Órt sóndirý kóligin tartý etti. Biz osyndai azamatyzben maqtanamyz jáne keiingi býynǵa úlgi etýdemiz» dedi Samarqan aǵamyz.
Iá, úlken bailyqpen adamǵa úlken qaiyrym bitpeidi, kerisinshe, úlken qaiyrymdylyq - jinaǵan bailyǵyńdy abyroily etedi.
Aita keteiik koronavirýspen aldyńǵy shepte kúresip júrgen aq halatty abzal jandardy qoldaý maqsatynda Aidyn Rahymbaev elimizde alǵashqylardyń biri bolyp 100 million teńge bólgen bolatyn.
Sonymen qatar meditsinalyq qyzmetkerlerge Nur-Sultan qalasyndaǵy «HILTON» qonaq úiin paidalanýǵa bergen edi.
Qýanysh Rahmetollauly
Semei qalasy
