كٷنٸ كەشە قازاقستاندا Alem Crypto Fund كريپتوقورى ٶز جۇمىسىن باستادى. قور جاساندى ينتەللەكت جەنە تسيفرلىق دامۋ مينيسترلٸگٸنٸڭ باستاماسىمەن قۇرىلىپ, Qazaqstan Venture Group باسقارۋىنا بەرٸلدٸ جەنە استانا حالىقارالىق قارجى ورتالىعىنىڭ (احقو) ەكوجٷيەسٸندە تٸركەلدٸ. مۇنى مەملەكەت باسشىسى تاپسىرعان مەملەكەتتٸك كريپتوقور رەتٸندە قابىلداعان كەيبٸر ساراپشى بۇل رەتتە كٷدٸك پەن كٷمەنگە جول بەرٸپ, توسىلىپ قالعاندارىن دا جازعان ەدٸك. سٶيتسەك, بٸز سٶز ەتكەن كريپتوقور مەملەكەتتٸك بولماي شىعىپ, بۇل ارادا شاتاسۋ ورىن العانى بەلگٸلٸ بولدى. بۇل تۋرالى بٷگٸنگٸ ۇلتتىق بانكتٸڭ مەلٸمدەمەسٸندە ايتىلدى, دەپ حابارلايدى Dalanews.kz.
قازاقستان ۇلتتىق بانكٸ "استانا" حالىقارالىق قارجى ورتالىعىنىڭ بازاسىندا كريپتوقور قۇرۋعا قاتىستى كٶپتەپ تٷسٸپ جاتقان ساۋالدارعا بايلانىستى مىنانى حابارلايدى:
"باق-تا اتالعان Alem Crypto Fund كريپتوقورى قر جاساندى ينتەللەكت جەنە تسيفرلىق دامۋ مينيسترلٸگٸنٸڭ قولداۋىمەن قۇرىلعانىمەن, مەملەكەتتٸك قورعا جاتپايدى. مۇنداي كريپتوقورلار نارىقتىق يۋريسديكتسييادا, سونىڭ ٸشٸندە "استانا" حالىقارالىق قارجى ورتالىعى الاڭىندا قۇرىلۋى مٷمكٸن, الايدا ولارعا مەملەكەتتٸك رەزەرۆتەردٸ باسقارۋعا قۇقىق بەرٸلمەيدٸ".
ۇلتتىق بانك ستراتەگييالىق كريپتورەزەرۆتٸ جيناقتاۋ ٷشٸن مەملەكەتتٸك تسيفرلىق اكتيۆتەر قورىن (متساق) قۇرۋ بويىنشا كەزەڭ-كەزەڭٸمەن اتقارىلاتىن جۇمىستاردى جٷرگٸزٸپ جاتقانىن ناقتىلايدى.
"قازٸر متساق كونتسەپتسيياسى ەزٸرلەنٸپ قويدى, ول قوردىڭ نەگٸزگٸ ماقساتى مەن مٸندەتتەرٸن جەنە ونى قۇرۋ مەن باسقارۋ تەتٸكتەرٸن ايقىندايدى. سونىمەن قاتار وپەراتسييالىق جەنە تەحنيكالىق ينفراقۇرىلىم قۇرۋ جۇمىستارى قاتار جٷرٸپ جاتىر. قوردى "قازاقستان ۇلتتىق بانكٸنٸڭ ۇلتتىق ينۆەستيتسييالىق كورپوراتسيياسى" اق باسقارادى. بۇل ۇيىمنىڭ بالاما ينۆەستيتسييا قۇرالدارىن باسقارۋ سالاسىندا ٶزٸندٸك تەجٸريبەسٸ بار. دايىندىق جۇمىستارى 2025 سوڭىنا دەيٸن اياقتالىپ, مەملەكەتتٸك تسيفرلىق اكتيۆتەر قورى 2026 جىلدىڭ باسىندا ٸسكە قوسىلادى دەپ جوسپارلانىپ وتىر", دەلٸنگەن ۇلتتىق بانك تٷسٸنٸكتەمەسٸندە.
بۇعان دەيٸن جاڭادان قۇرىلعان العاشقى تسيفرلىق ۆاليۋتا قورىنا قاتىستى ەكونوميست ەلدار شامسۋتدينوۆ پەن رۋسلان سۇلتانوۆتىڭ پٸكٸرٸن جارييالاعان بولاتىنبىز.
