اتىراۋ قالاسىنا جاقىن ورنالاسقان تومارلى اۋىلىندا جەكە تۇرعىن ۇيلەردىڭ بىرىندە قايعىلى وقيعا ورىن الدى. 28 جەلتوقسان كۇنى ءبىر ۇيدە ءۇش ادام گازدان ۋلانىپ كوز جۇمعان، دەپ حابارلايدى Dalanews.kz
توتەنشە جاعدايلار قىزمەتىنىڭ مالىمەتىنشە، مارقۇمداردىڭ ەكەۋى 1958 جىلى دۇنيەگە كەلگەن ەرلى-زايىپتى. سونداي-اق، ءۇي ىشىندە 1953 جىلى تۋعان تاعى ءبىر ەر ادامنىڭ ءمايىتى تابىلعان. ۇشەۋى دە وقيعا ورنىندا جان تاپسىرعان.
الدىن الا دەرەكتەرگە سايكەس، قايعىلى جاعداي گازبەن جۇمىس ىستەيتىن جىلىتۋ پەشىندەگى تارتۋ جۇيەسىنىڭ، ياعني مۇرجاسىنىڭ دۇرىس جۇمىس ىستەمەۋىنەن تۋىنداۋى مۇمكىن.
قازىرگى ۋاقىتتا وقيعانىڭ ناقتى سەبەپتەرى مەن ءمان-جايىن انىقتاۋ جۇمىستارى جۇرگىزىلىپ جاتىر.
