Atyraý qalasyna jaqyn ornalasqan Tomarly aýylynda jeke turǵyn úilerdiń birinde qaiǵyly oqiǵa oryn aldy. 28 jeltoqsan kúni bir úide úsh adam gazdan ýlanyp kóz jumǵan, dep habarlaidy Dalanews.kz
Tótenshe jaǵdailar qyzmetiniń málimetinshe, marqumdardyń ekeýi 1958 jyly dúniege kelgen erli-zaiypty. Sondai-aq, úi ishinde 1953 jyly týǵan taǵy bir er adamnyń máiiti tabylǵan. Úsheýi de oqiǵa ornynda jan tapsyrǵan.
Aldyn ala derekterge sáikes, qaiǵyly jaǵdai gazben jumys isteitin jylytý peshindegi tartý júiesiniń, iaǵni murjasynyń durys jumys istemeýinen týyndaýy múmkin.
Qazirgi ýaqytta oqiǵanyń naqty sebepteri men mán-jaiyn anyqtaý jumystary júrgizilip jatyr.
