ەلوردادا ەسىرتكى زاتتارىن جارنامالايتىن گراففيتي سۋرەتتەردى بوياۋعا ارنالعان كەزەكتى اكسيا ءوتتى،- دەپ حابارلايدى Dalanews.kz
ءىس-شارا سارايشىق كوشەسىندە ۇيىمداستىرىلدى. وعان قالالىق پوليسيا دەپارتامەنتىنىڭ ەسىرتكى قىلمىستارىنا قارسى ءىس-قيمىل باسقارماسىنىڭ قىزمەتكەرلەرى، «استانا جاستارى» جاستار رەسۋرستىق ورتالىعىنىڭ ەرىكتىلەرى، تانىمال سپورتشىلار مەن بلوگەرلەر قاتىستى.
ولار ەسىرتكى سايتتارىنىڭ مەكەنجايلارى كورسەتىلگەن بەلگىلەردى بوياپ، ولاردىڭ ورنىنا «ناشاقورلىققا جول جوق!» دەگەن جازۋى بار گراففيتي سالدى.
شارانى ەسىل اۋدانى اكىمىنىڭ اپپاراتى، استانا قالاسى پد ەسىرتكى قىلمىسىنا قارسى ءىس-قيمىل باسقارماسى جانە اۋداندىق پوليسيا باسقارماسى بىرلەسىپ ۇيىمداستىردى.
استانا قالاسى كيكبوكسينگ فەدەراسياسىنىڭ ۆيسە-پرەزيدەنتى، №7 بجسم اعا جاتتىقتىرۋشىسى، ەسىرتكى قىلمىسىنا قارسى ءىس-قيمىل كەڭەسىنىڭ مۇشەسى ەرنار وماروۆ ءوز پىكىرىن ءبىلدىردى.
«مەن ءومىر بويى وسى قالادا تۇرىپ كەلەمىن جانە ونىڭ ءاربىر تۇرعىنىنىڭ تاعدىرىنا الاڭدايمىن. سوندىقتان وسىندامىن. ءبىز ەسىرتكى جارنامالاعان سۋرەتتەردى بوياپ جاتىرمىز. جاتتىعۋلاردا شاكىرتتەرىمە نەنىڭ جاقسى، نەنىڭ جامان ەكەنىن تۇسىندىرەمىن. ەسىرتكى – زۇلىمدىق. ونىمەن سوزبەن دە، ىسپەن دە كۇرەسۋ كەرەك»، – دەدى ول.
وسى پىكىردى ەلوردالىق اۆتوموتوسپورت فەدەراسياسىنىڭ پرەزيدەنتى، ەسىرتكى قىلمىسىنا قارسى ءىس-قيمىل كەڭەسىنىڭ مۇشەسى اناتوليي بوندار دا قولدايدى.
«ءبىزدىڭ مىندەتىمىز – ناركوگراففيتيدى جويۋ ءۇشىن بارىنشا كۇش سالۋ. ءبىز قۇقىق قورعاۋ ورگاندارىمەن ون جىلدان بەرى بىرلەسىپ جۇمىس ىستەپ كەلەمىز. سەبەبى جاستاردىڭ تاعدىرىنا الاڭدايمىز جانە ولاردىڭ ەسىرتكىگە ەمەس، سپورتقا بەت بۇرعانىن قالايمىز»، – دەدى ول.
NEET ساناتىنداعى جاستارمەن جۇمىس ىستەۋ ءبولىمىنىڭ باسشىسى سۇلتان ومىرعالييەۆتىڭ ايتۋىنشا، بۇل شارا «زاڭ جانە ءتارتىپ» بايانداۋ فورماتى اياسىندا ءوتىپ جاتىر.
«ءبىز وسكەلەڭ ۇرپاققا ەسىرتكىنىڭ زيانىن الدىن الا ءتۇسىندىرۋىمىز كەرەك. ونىڭ ورنىنا سپورت، كىتاپ وقۋ، ساياحات جاساۋ سياقتى ماڭىزدى ىستەر بارىن كورسەتكەنىمىز ءجون»، – دەپ قوستى ول.
