شىمكەنتتە 9-سىنىپ وقۋشىسى ٶز-ٶزٸنە قول سالدى. جاسٶسپٸرٸمنٸڭ ٶلٸمٸنە مەكتەپتەگٸ ەلٸمجەتتٸك سەبەپ بولۋى مٷمكٸن. سەبەبٸ مارقۇم سوڭعى سەتٸندە تەلەفونىنا بٸرنەشە سىنىپتاسىنىڭ اتىن جازىپ كەتٸپتٸ دەپ حابارلايدى Dalanews.kz Almaty.tv-عا سٸلتەپ
سٷتكەنجەسٸن جوعالتقان جانەركە جٷنٸسبەكوۆانىڭ جان جاراسىن سٶزبەن جەتكٸزۋ مٷمكٸن ەمەس. ول وسىدان ەكٸ كٷن بۇرىن جۇمىستان ورالعاندا قورادا اسىلىپ تۇرعان بالاسىن كٶرگەن. ەسەڭگٸرەگەن انا ۇلىنىڭ قازاسىنا مەكتەپتەگٸ ەلٸمجەتتٸك سەبەپ بولدى دەپ وتىر.
"ەكەسٸنٸڭ قايتىس بولعانىنا 3 جىل بولدى. مەكتەپكە بارادى, سەنٸڭ ەكەڭ جوق دەپ بالالار كەمسٸتەدٸ. بۇل – بٸر. دياس دەگەن بالا تەمەكٸمەن قولىنا باسقان. "سەن بٸزگە اقشا تاۋىپ بەرەسٸڭ, ماعان تەمەكٸ ەكەلٸپ بەرەسٸڭ, مەنٸڭ ايتقانىممەن جٷرەسٸڭ. مەن نە ايتامىن, سونىمەن جٷرەسٸڭدەر" دەپ قورقىتقان", – دەدٸ مارقۇمنىڭ اناسى جانەركە جٷنٸسبەكوۆا.
ٶمٸرٸنٸڭ سوڭعى سەتٸندە ٶمٸرسەرٸك سۇلتانبەك تەلەفونىنا جازبا قالدىرعان. 14 جاستاعى بالا تٶرت سىنىپتاسىنىڭ اتىن اتاپ, "ەندٸ مەنٸ ۇرا المايتىن بولدىڭدار" دەپ جازعان.
ايتا كەتەيٸك, مارقۇم قالاداعى №32 مەكتەپتە وقىعان. كەزٸندە وسى وقۋ ورداسىندا بٸلٸم العان ٶمٸرسەرٸكتٸڭ ەپكەسٸ دە ەلٸمجەتتٸككە تالاي كۋە بولعانىن جاسىرمادى.
"ول – بۇرىننان كەلە جاتقان زاڭ. بٸر-بٸرٸنەن اقشا تالاپ ەتۋ, بٸر-بٸرٸنەن تەمەكٸ تالاپ ەتۋ بار. مىنا جەردە بالالاردىڭ بەرٸنەن سۇراڭىز, جاۋاپ بەرەدٸ. قيناڭىزدار, كەرەك بولسا. مەنٸڭ ٸنٸم سوعان شىداي الماي, دٷنيەدەن ٶتٸپ وتىر. مەنٸڭ 14 جاستاعى ٸنٸم, مەنٸڭ باۋىر ەتٸم, جٷرەگٸم!" – دەدٸ مارقۇمنىڭ ەپكەسٸ.
ٶمٸرسەرٸكتٸڭ سوڭعى حاتىندا اتالعان 4 وقۋشى – ونىڭ سىنىپتاستارى. مەكتەپ ەكٸمشٸلٸگٸ ولاردىڭ بٸرٸ تٸپتٸ پوليتسييا ەسەبٸندە تۇرعانىن ايتتى. بٸراق سوعان قاراماستان, بٸلٸم مەكەمەسٸنٸڭ باسشىلىعى وقۋ ورداسىنداعى ەلٸمجەتتٸك پەن اقشا جيناۋ دەرەگٸن جوققا شىعارىپ وتىر. دەگەنمەن قايعىلى وقيعا بولعان كٷنٸ جولداستار اراسىندا تٷسٸنبەۋشٸلٸك بولعانىن جەتكٸزدٸ.
"ٶكٸنٸشكە قاراي, جاعدايدى ەستٸپ وتىرمىز. ول جەردە تٶبەلەسپەگەن, تەك قولىن, يىعىن تيگٸزگەن, ۇرماعان", – دەدٸ مەكتەپ ديرەكتورىنىڭ تەربيە ٸسٸ جٶنٸندەگٸ ورىنباسارى رايحان تٶلەەۆا.
بٷگٸندە قايعىلى جاعداي بويىنشا قىلمىستىق ٸس قوزعالىپ, تەرگەۋ جٷرٸپ جاتىر. قارا جامىلعان وتباسى بالانىڭ ٶلٸمٸنە كٸنەلٸلەر سوتتالىپ, مەكتەپ ەكٸمشٸلٸگٸ جاۋاپقا تارتىلۋىن تالاپ ەتٸپ وتىر.
