بٷگٸن قازاق سپورتىنىڭ تاريحىنداعى ەرەكشە كٷن. بٷگٸن قر تۋريزم جەنە سپورت مينيسترٸ ەربول مىرزابوسىنوۆ ٶزٸنٸڭ ينستاگرام پاراقشاسىندا ەلٸمٸزدٸڭ قۇرالايدى كٶزگە اتقان مەرگەندەرٸ ٷلكەن جەڭٸسكە جەتكەنٸن جارييا ەتتٸ.
– ساداق اتۋدان ەلەم چەمپيوناتىندا تاريحي جٷلدە جەڭٸپ العان قازاقستان ۇلتتىق قۇراماسىنىڭ سپورتشىلارى مەن جاتتىقتىرۋشىلار قۇرامىن شىن جٷرەكتەن قۇتتىقتايمىن!
ادەليا جەكسەنبينوۆا, ۆيكتورييا ليان جەنە روكسانا يۋنۋسوۆا سىندى سپورتشىلارىمىز جاھاندىق دودادا ٶزدەرٸنٸڭ شەبەرلٸكتەرٸ مەن جەڭٸسكە دەگەن جٸگەرٸن كٶرسەتٸپ, 32 جىلدان كەيٸن اتالعان سپورت تٷرٸنەن ەل قورجىنىنا جٷلدە سالدى.
ٶزدەرٸڭٸزگە مەلٸم, مەملەكەت باسشىسىنىڭ تاپسىرماسىمەن ەلٸمٸزدە سپورت سالاسىن جاڭعىرتۋ جۇمىستارى كەڭ اۋقىمدا جٷرگٸزٸلٸپ جاتىر. بۇل – سالانىڭ تيٸمدٸلٸگٸن ارتتىرۋعا جەنە جاڭا چەمپيونداردى تەربيەلەۋگە باعىتتالعان ماڭىزدى باستاما. بٷگٸندە وتاندىق سپورت جاڭا قارقىنمەن دامىپ كەلەدٸ.
بۇل جەڭٸسكە ساداق اتۋ فەدەراتسيياسىنىڭ پرەزيدەنتٸ ازامات ٷسٸمبەكوۆ پەن باس حاتشى ەسەت بايتاسوۆتىڭ قوسقان ٷلەسٸن اتاپ ٶتكەن جٶن. ولاردىڭ باسشىلىعىمەن قازاقستاندا ساداق اتۋمەن 7 مىڭنان استام سپورتشى اينالىسادى, بۇل سپورت تٷرٸ ەلٸمٸزدٸڭ 15 ٶڭٸرٸندە بەلسەندٸ دامىپ كەلەدٸ.
اتالعان جەتٸستٸك قازاقستاندا ساداق اتۋ سپورتىنىڭ بەرٸك ٸرگەتاسى بار ەكەنٸن جەنە حالىقارالىق ارەنادا جاڭا جەڭٸستەرگە جەتۋگە زور ەلەۋەتٸ بار ەكەنٸن ايقىن كٶرسەتەدٸ, – دەپ مينيستر اقجولتاي جاڭالىقپەن بٶلٸستٸ.
