سەنات سپيكەرى، الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى ماۋلەن اشىمبايەۆ دينارا ءساتجان مەن ءادىل سەيفۋليننىڭ Qogam News جوباسىنا بەرگەن سۇحباتىندا فورۋمنىڭ كوزگە كورىنبەيتىن قىرلارى تۋرالى ايتىپ بەردى.

العاش قاراعاندا، قازىرگى كەزدەگى رۋحاني كوشباسشىلاردى جاھاندىق ماسەلەلەردى تالقىلاۋ ءۇشىن ءبىر ۇستەل باسىنا جيناۋ وڭاي كورىنۋى مۇمكىن. الايدا، ماۋلەن اشىمبايەۆتىڭ ايتۋىنشا، ءاربىر وسىنداي كەزدەسۋدىڭ ارتىندا قازاقستاننىڭ شەتەلدەردەگى ديپلوماتيالىق ميسسيالارىنىڭ، سەزد حاتشىلىعى مەن كۇردەلى گەوساياسي جاعدايدا جانە شيەلەنىسكەن حالىقارالىق قايشىلىقتار اياسىندا جۇمىس ىستەيتىن ىنتالى توپتىڭ وراسان ەڭبەگى جاتىر.

– پرەزيدەنتىمىز قاسىم-جومارت كەمەل ۇلى توقايەۆ الداعى سەزگە ەرەكشە ءمان بەرىپ وتىر. ءبىزدىڭ شەتەلدىك ارىپتەستەرىمىز دە مۇنى اتاپ وتۋدە. شىن مانىندە، بۇگىندە ءبارىمىز باقىلاپ، الاڭداپ وتىرعان تاياۋ شىعىستاعى شيەلەنىس كەزىندە رۋحاني كوشباسشىلاردى ءبىر ۇستەل باسىنا جيناپ، ولاردى بەتپە-بەت وتىرىپ، گەوساياسات پەن قازىرگى الەمدەگى كۇردەلى ماسەلەلەردى تالقىلاۋعا شاقىرۋ - وڭاي مىندەت ەمەس. يۋدايزم مەن يسلام الەمىنىڭ ليدەرلەرىن عاسىرلار بويى جالعاسىپ كەلە جاتقان قايشىلىقتار جاعدايىندا قاتار وتىرعىزۋ دا وڭاي ەمەس. قازىرگى زاماندا بۇل قايشىلىقتار جاڭا سيپات الىپ وتىر.

سوندىقتان سەزد – بۇل جاي عانا شاقىرۋ قاعازى جىبەرىپ، قاتىسۋشىلاردىڭ كەلۋىن كۇتەتىن قاراپايىم كونفەرەنسيا ەمەس. بۇل – اۋقىمدى ەڭبەكتىڭ ناتيجەسى. رۋحاني كوشباسشىلاردىڭ جينالىپ، بەيبىتشىلىك پەن ديالوگ ماسەلەلەرىن تالقىلاۋىنىڭ ءوزى حالىقارالىق احۋالدى تۇراقتاندىرۋ تۇرعىسىنان ماڭىزدى قادام بولىپ سانالادى. ەگەر قاتىسۋدان باس تارتىپ جاتسا، ءبىز دايەكتى دالەلدەر كەلتىرىپ، تۇسىندىرۋگە تىرىسامىز. سونىڭ ناتيجەسىندە كوپ جاعدايدا رۋحاني كوشباسشىلاردىڭ جاقىنداسۋىنا قول جەتكىزەمىز، – دەدى الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى.

https://www.youtube.com/watch؟v=cUkhfepTogA