قايرات قوجامجاروۆقا قاتىستى سوتقا دەيٸنگٸ تەرگەپ-تەكسەرۋ باستالدى. بۇل تۋرالى باس پروكۋراتۋرا مەلٸمدەدٸ, دەپ حابارلايدى Dalanews.kz.
"ەكونوميكالىق قىلمىسقا جەنە سىبايلاس جەمقورلىققا قارسى كٷرەس اگەنتتٸگٸنٸڭ بۇرىنعى تٶراعاسى ق.پ. قوجامجاروۆقا قاتىستى لاۋازىمدىق ٶكٸلەتتٸكتەرٸن اسىرا پايدالانۋ, سونداي-اق, باسشىلىق لاۋازىمداردا بولعان ەرتٷرلٸ كەزەڭدەردە قىلمىستىق جولمەن الىنعان اقشانى زاڭداستىرۋ دەرەكتەرٸ بويىنشا سوتقا دەيٸنگٸ تەرگەپ-تەكسەرۋ باستالدى", - دەپ جازىلعان حابارلامادا.
بارلىق قىلمىستىق ٸس بويىنشا ارنايى پروكۋرورلاردىڭ جەتەكشٸلٸگٸمەن جەدەل تەرگەۋ توپتارى قۇرىلعان.
قر قپك 201-بابىنا سەيكەس ٶزگە اقپارات جارييا ەتٸلمەدٸ.
قايرات قوجامجاروۆ تۋرالى نە بەلگٸلٸ?
ەسكە سالايىق, قايرات قوجامجاروۆ قازاقستاننىڭ قارجى پوليتسيياسىن باسقارعان. قازاقستاننىڭ باس پروكۋرورى, اقمولا وبلىسىنىڭ ەكٸمٸ قىزمەتتەرٸن دە اتقاردى. نۇرسۇلتان نازارباەۆتىڭ بۇيرىعىمەن سەنات دەپۋتاتى بولدى. باس پروكۋرور قىزمەتٸن اتقارعان كەزدە كٶپتەگەن رەزونانستى ٸس نەگٸزسٸز, ويدان شىعارىلعان دەپ تانىلعان. كەيٸن ونىڭ قاراماعىندا ٸستەگەن قىزمەتكەرلەردٸڭ ٷستٸنەن قىلمىستىق ٸستەر قوزعالىپ, قاماۋعا الىندى.
كەزٸندە قوجامجاروۆتىڭ ارتىنان "قورعاس ٸسٸنەن" پايدا كٶرگەندەردٸڭ بٸرٸ دەگەن سٶز ەرگەن.
