اتالمىش قۇجاتتا، بۇقاراعا كورسەتىلەتىن قىزمەتتىڭ ساپاسى مەن تيىمدىلىگىن ارتتىرۋ، تۇلعانىڭ جەكە باسىنا قول سۇعىلماۋى، قولايلى مورالدىق-پسيحولوگيالىق جاعداي جاساۋ كوزدەلگەن.
الماتى وبلىسى بويىنشا، بالالارعا ارنالعان ەكى ارناۋلى الەۋمەتتىك قىزمەت كورسەتۋ ورتالىعى بار. بىرەۋى، تالدىقورعان قالاسىنداعى «قامقور»، ەكىنشىسى، تالعار اۋدانىندا ورنالاسقان «ايالا» ورتالىعى.
وتكەن جىلى اتالعان ەكى مەكەمەدە مەملەكەتتىك ورگانداردىڭ ماماندارى مەن قوعام وكىلدەرىنىڭ قاتىسۋىمەن مونيتورينگتىك جۇمىس جۇرگىزىلدى.
«مونيتورينگتىك توپتىڭ جۇرگىزگەن تەكسەرۋ جۇمىستارىنىڭ ناتيجەسى اعىمداعى جىلدىڭ 5 اقپانىندا قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى ۇيىمداستىرعان ۆەدومستۆوارالىق كەڭەستىڭ وتىرىسىندا، 16 اقپاندا قازاقستان رەسپۋبليكاسى ءبىلىم جانە عىلىم مينيسترلىگى وتكىزگەن وتىرىستا قارالدى»،-دەيدى الماتى وبلىسى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى اسحات قالياسقاروۆ.
اتالعان جۇمىس توبىنىڭ نەگىزگى تۇجىرىمداماسى مەن ۇسىنىستارى، مامانداردىڭ كاسىبي دەڭگەيىن ارتتىرۋعا باعىتتالعان جۇمىستى كۇشەيتۋ. سونىمەن قاتار، الەۋمەتتىك قىزمەت الۋشىلار ءۇشىن ستاندارتتا بەلگىلەنگەن ءتارتىپ پەن تالاپتاردى قاتاڭ باقىلاۋ، ادىستەمەكلىك كومەك كورسەتۋمەن استاسىپ جاتىر.
«ارناۋلى الەۋمەتتىك قىزمەتتەردىڭ كەپىلدىك بەرىلگەن كولەمىن كورسەتۋ تۋرالى شەشىمدى ورىنداۋ تۇرىندە جاسالعان بۇزۋشىلىق «اكىمشىلىك قۇقىق تۋرالى» ق ر كودەكسىنىڭ 84-بابىنىڭ 2-بولىگىنە سايكەەس اكىمشىلىك جاۋپقا تارىلۋعا اكەپ سوعادى»، - دەدى ەڭبەك، الەۋمەتتىك قورعاۋ جانە كوشى-قون كوميتەتىنىڭ الماتى وبلىسى بويىنشا دەپارتامەنتىنىڭ حالىقتى الەۋمەتتىك قورعاۋ سالاسىنداعى باقىلاۋ ءبولىمىنىڭ باسشىسى ايگەريم تۋلەگەن قىزى.
ايتا كەتەيىك، مونيتورينگتىك توپتىڭ مۇنداي ساپارلارى بۇدان ءارى دە جالعاسىن تاباتىن بولادى. وسى تەكتەس جۇمىستار الەۋمەتتىك قىزمەت ساپاسىن جاقسارتۋعا ىپال ەتەدى.
