Arnaýly monitoringtik top áleýmettik qyzmet sapasyn tekserdi
Atalmysh qujatta, buqaraǵa kórsetiletin qyzmettiń sapasy men tiimdiligin arttyrý, tulǵanyń jeke basyna qol suǵylmaýy, qolaily moraldyq-psihologiialyq jaǵdai jasaý kózdelgen.
Almaty oblysy boiynsha, balalarǵa arnalǵan eki arnaýly áleýmettik qyzmet kórsetý ortalyǵy bar. Bireýi, Taldyqorǵan qalasyndaǵy «Qamqor», ekinshisi, Talǵar aýdanynda ornalasqan «Aiala» ortalyǵy.
Ótken jyly atalǵan eki mekemede memlekettik organdardyń mamandary men qoǵam ókilderiniń qatysýymen monitoringtik jumys júrgizildi.
«Monitoringtik toptyń júrgizgen tekserý jumystarynyń nátijesi aǵymdaǵy jyldyń 5 aqpanynda Qazaqstan Respýblikasy Eńbek jáne halyqty áleýmettik qorǵaý ministrligi uiymdastyrǵan vedomstvoaralyq keńestiń otyrysynda, 16 aqpanda Qazaqstan Respýblikasy Bilim jáne ǵylym ministrligi ótkizgen otyrysta qaraldy»,-deidi Almaty oblysy jumyspen qamtýdy úilestirý jáne áleýmettik baǵdarlamalar basqarmasy basshysynyń orynbasary Ashat Qaliasqarov.
Atalǵan jumys tobynyń negizgi tujyrymdamasy men usynystary, mamandardyń kásibi deńgeiin arttyrýǵa baǵyttalǵan jumysty kúsheitý. Sonymen qatar, áleýmettik qyzmet alýshylar úshin standartta belgilengen tártip pen talaptardy qatań baqylaý, ádistemeklik kómek kórsetýmen astasyp jatyr.
«Arnaýly áleýmettik qyzmetterdiń kepildik berilgen kólemin kórsetý týraly sheshimdi oryndaý túrinde jasalǵan buzýshylyq «ákimshilik quqyq týraly» QR kodeksiniń 84-babynyń 2-bóligine sáikees ákimshilik jaýpqa tarylýǵa ákep soǵady», - dedi Eńbek, áleýmettik qorǵaý jáne kóshi-qon komitetiniń Almaty oblysy boiynsha departamentiniń halyqty áleýmettik qorǵaý salasyndaǵy baqylaý bóliminiń basshysy Aigerim Týlegenqyzy.
Aita keteiik, monitoringtik toptyń mundai saparlary budan ári de jalǵasyn tabatyn bolady. Osy tektes jumystar áleýmettik qyzmet sapasyn jaqsartýǵa ypal etedi.
