ارىستانبەكپەن تەكەتٸرەسٸم ونىڭ رەكتور كەزٸنەن باستالعان
- تۇڭعىشباي اعا, ٶزٸڭٸزدٸڭ ەرٸپتەستەرٸڭٸز بٸرٸگٸپ, ەلباسىنا حات جازدى. وقىدىڭىز با?
- كٶردٸم, وقىدىم. ەندٸ مەن نە ايتام?!. بٸرٸنشٸدەن, مەنٸڭ اتىمداعى فەستيۆال تۋرالى ايتايىن. «تۇڭعىشباي تارازعا شاقىرادى» دەگەن فەستيۆالدٸ قازاقستان تەاتر قايراتكەرلەرٸ وداعى ٶتكٸزگەن جوق. ونىڭ بارلىعىنا قاراجاتىن بٶلٸپ, جٶن-جورالعىسىن جاساپ ٶتكٸزگەن جامبىل وبلىستىق ەكٸمشٸلٸگٸ جەنە سول ەكٸمشٸلٸكتٸڭ مەدەنيەت جەنە مۇراعات دەپارتامەنتٸ. وعان وداقتىڭ ەشقانداي قاتىسى جوق. مەن ٶزٸم تارازدىق بولعان سوڭ, جەرلەستەرٸم ۇسىنىس ايتىپ, "وسىنداي فەستيۆال جاسايىق" دەدٸ. مەنٸڭ اتىمدى سۇرادى. مەن "جاقسى" دەپ, كەلٸسٸمٸمدٸ بەردٸم. ول فەستيۆالدەرٸ كەيدە حالىقارالىق دەڭگەيدە ٶتٸپ, وعان پولشا, چەحييادان ەرتٸستەر كەلدٸ. كەيدە رەسپۋبليكا دەڭگەيٸندە ٶتكٸزٸلٸپ جٷر.
- حاتتا ايتىلعانداي, سٸز جەتەكشٸلٸك ەتەتٸن وداق ەشقانداي شارا ٶتكٸزبەيدٸ ەكەن عوي. جالعىز وسى فەستيۆالدەن باسقا... ول دا وداقتىڭ جوباسى بولماي شىقتى.
- بۇل ەندٸ ەكٸنشٸ مەسەلە. مۇنداي فەستيۆال ٶتكٸزۋگە وداقتىڭ قاراجاتى جوق. بٸلەسٸز بە? بٸزدٸڭ وداقتا ونداي بيۋدجەت جوق. مينيسترلٸك بٸزگە بٸر تيىن دا اقشا بٶلمەيدٸ. بٸز جىل سايىن ٶز جوبالارىمىزدى مينيسترلٸككە جولدايمىز. ٶكٸنٸشكە وراي مەدەنيەت جەنە سپورت مينيسترلٸگٸ بٸزدٸڭ حاتتارىمىزعا جاۋاپ بەرمەيدٸ.
- نەگە?
- بٸلمەيمٸن عوي. ەيتەۋٸر ەشبٸر ۇسىنىسىمىزدى قۇپتاعان كەزٸ بولعان جوق.
- ال «ەڭلٸك گٷل» سىيلىعىن ەشكٸم تانىمايتىن اكتەرلەرگە بەردٸ دەيدٸ حاتقا قول قويعان جەتٸ ادام. بۇعان نە دەيسٸز?
- راس, «ەڭلٸك گٷل» سالتاناتىن بٸزدٸڭ وداق جاساپ جاتىر. مەن تٶراعا بولعالى بەرٸ ٶتكٸزٸلٸپ كەلەدٸ. مۇنىڭ جەكە دەمەۋشٸسٸ بولدى. العاشقى 5-6 جىلدا "قازمۇنايگاز" كومپانيياسى دەمەۋشٸلٸك كٶرسەتتٸ. ودان كەيٸن بٸر جىل دەمەۋشٸ بولماي قالدى. بيىل تاعى بٸر جەكە كەسٸپكەر دەمەۋشٸ بولدى. اناۋ ەسٸكتٸ بٸر, مىناۋ ەسٸكتٸ بٸر قاعىپ جٷرٸپ تاپقان قاراجاتىمىزعا ٶتكٸزدٸك. ەندٸ ول جٷلدەلەردٸ كٸمدەر الادى دەگەنگە كەلسەك: قازاقستاننىڭ بارلىق وبلىستارىنداعى تەاترلاردان ٷمٸتكەرلەر قابىلدانادى. بٷكٸل ٶڭٸرلەردەگٸ وبلىستىق تەاترلاردىڭ اكتەرلەرٸ بٸر جىل بويى ٶزٸ سومداعان ٷزدٸك رٶلدەردٸڭ بەينە نۇسقاسىن جٸبەرەدٸ. مەرەگە 2 اي قالعاندا بٸزدەگٸ تەۋەلسٸز ساراپشىلار اكتەرلەردٸڭ ٸشٸنەن سۇرىپتاپ, ەڭ ٷزدٸكتەرٸن انىقتايدى.
- ولار كٸمدەر? قانداي تەۋەلسٸز ساراپشىلار?
- ولار مىناۋ عىلىم اكادەميياسىندا قىزمەت ەتەتٸن, ٶنەرتانۋ عىلىمىنىڭ دوكتورلارى, عىلىم كانديداتتارى. وندا جالعىز اكتەرگە عانا ەمەس, رەجيسسەرٸ, سۋرەتشٸسٸ بار, بارلىعى 7 نوميناتسييا بويىنشا سىيلىق بەرەمٸز. سوڭعى سەتتە جاڭاعى جەتٸ ورىنعا 14 ادام ٷمٸتكەر بولادى. بٸر ورىنعا ەكٸ ادامنان تالاسادى. ول شەشٸمدٸ تەۋەلسٸز ساراپشىلار 1 اي بويى ٷمٸتكەرلەردٸڭ جۇمىستارىن باقىلاپ, ەكشەپ بارىپ شىعارادى. پرەزيديۋم مٷشەلەرٸ "ەرتەڭ جٷلدە بەرٸلەدٸ" دەگەن كٷنٸ جابىق داۋىسپەن جەڭٸمپازدى انىقتايدى. ەڭ باستى نوميناتسيياسى 1 ميلليون تەڭگە. اقتىق سىنعا شىققان ٷمٸتكەرلەر دە 200-300 مىڭ تەڭگەدەن سىيلىق الادى.
- بايقاپ وتىرساق, حات جازعان قايراتكەرلەردٸڭ دە سٸزگە ٶكپەسٸ قارا قازانداي كٶرٸنەدٸ.
- راس ايتاسىڭ, مىناۋ حاتتى جازعاندار الماتىنىڭ اكتەرلەرٸ عوي. وبلىستىق تەاترلاردا قانداي اكتەرلەر بار ەكەنٸن بٸلمەيدٸ دە ولار. اشىعىن ايتاتىن بولساق, ٶزدەرٸن "ەڭ مىقتىمىن" دەگەن سەزٸم بيلەپ العان مىرزالار مەن حانىمدار. بۇل جەردە بۇلار "بٸز سىيلىقسىز قالدىق" دەپ جاتىر. ال وبلىستاردا ٶنەردٸڭ جٷگٸن ٶگٸزدەي ارقالاپ, ماڭداي تەرلەرٸن تٶگٸپ, قىزمەت ەتٸپ جٷرگەن جاندار بار. ەلگٸ "سىيلىقسىز قالعاندار" سول اكتەرلەردٸڭ نامىسىنا تيٸپ وتىر دەپ ەسەپتەيمٸن. وبلىستىق تەاتردىڭ اكتەرلەرٸ بۇل اكتەرلەردەن اسىپ تٷسپەسە, كەم تٷسپەيدٸ.
- تۇڭعىشباي اعا, قولامتانى قوزداتىپ, شالانى ٷرلەگەنٸمٸز ەمەس, سوندا دا سۇراساق. وسى ۋاقىتقا دەيٸن «لەم-ميم» دەمەگەن قايراتكەرلەردٸڭ كەنەتتەن سٸزدٸ "تەاتر قايراتكەرلەرٸ وداعىنىڭ جۇمىسىن تەكسەرۋ كەرەك" دەپ تالاپ كٶتەرۋٸنٸڭ استارىندا نە سىر جاتىر?
- مىنا «ەڭلٸك گٷلدٸڭ» بولىپ جاتقانىنا بيىل جەتٸنشٸ جىل. وسىعان دەيٸن ەلگٸ كٸسٸلەر, راسىندا, قايدا جٷرگەن? نەگە بىلتىر وسى مەسەلە كٶتەرٸلگەن جوق? ال, اسەكەڭدٸ (اسانەلٸ ەشٸموۆتٸ ايتادى.-رەد) بٸز جىل سايىن شاقىرامىز, ول كٸسٸ كەلمەيدٸ. سونان سوڭ بۇل كٸسٸ وداقتىڭ جۇمىسىنان ەش حابارى جوق. ارالاسپايدى, اتسالىسپايدى. مەنٸڭشە ەلگٸ حاتتىڭ ارتىندا مينيستردٸڭ ٶزٸ تۇرعان سيياقتى.
- مينيسترمەن اراڭىزداعى مەسەلەنٸڭ مەن-جايى ٶزدەرٸڭٸزگە مەلٸم. دەسە دە, سٸز بٸلدەي بٸر وداقتى باسقارىپ وتىرسىز. سٸزدٸڭ ارتىڭىزدا قازاقستاننىڭ بارلىڭ ٶڭٸرلەرٸندەگٸ تەاتر قىزمەتكەرلەرٸنٸڭ اماناتى, سەنٸمٸ تۇر. وسى داۋلار وداق جۇمىسىنا زارارىن تيگٸزەدٸ دەپ ويلامايسىز با?
- سالقىنى تيسە, تەك وسىنداي ٶسەك-اياڭ تاراتۋعا عانا سالقىنى تيەر. بٸزدٸڭ مينيسترمەن تەكەتٸرەسٸمٸز ول رەكتور بولىپ تۇرعان كەزدە باستالعان. مەن جٷرگەنوۆتە ساباق بەرەمٸن. ول - رەكتور. بار بولعانى ٷكٸمەتتەن 12 گرانت بٶلٸنەدٸ, سول كەزدە. ارىستانبەك مىرزا بارلىق 12 گرانتتى ٶزٸنٸڭ تٸزٸمٸمەن جاساۋعا تىرىستى. بۇل وسىدان 4 جىل بۇرىن بولعان ەڭگٸمە. مەن بۇل تٸزٸمدٸ ورىنداي المايتىنىمدى اشىق ايتتىم. سول جەردەن بٸزدٸڭ ايقاس باستالعان. ول كٸسٸ ماعان دوق كٶرسەتتٸ. «سەن مەنٸڭ كٸم ەكەنٸمدٸ بٸلمەيدٸ ەكەنسٸڭ, مەن سەنٸ جۇمىستان شىعارىپ جٸبەرەمٸن» دەگەن سٶزدەر ايتىلعان سوڭ, ەكەۋٸمٸز شەكٸسٸپ قالدىق. سول تەكەتٸرەس مينيستردٸڭ كٶڭٸلٸندە ساقتالىپ قالعان ەكەن. سودان ول كٸسٸ مينيستر بولا سالا, مىنا بٸزدٸڭ وداقتىڭ سەزدٸن ٶتكٸزٸڭدەر دەپ بۇيرىق سوقتى.
ونى جاسايتىن مينيستر ەمەس, وداقتىڭ پرەزيديۋمى. ەندٸ تاعى بٸر مەسەلە - بۇل كٸسٸ كينو سالاسىنىڭ بٸلگٸرٸ عوي. وسى سالامەن قاتتى اينالىسادى. 2012 جىلى مەنٸڭ «فەنيكس» دەگەن جوبام باستالعان ەدٸ. قاراجاتتى جاراتۋعا ارنالعان سمەتا بولادى. سوعان سەيكەس, بٸز دايىندىق جۇمىستارىنا, تەحنيكالىق قۇرالدارعا 60 ميلليون تەڭگەدەي جۇمسادىق. قاي ايدا, قانشا اقشا, قايدا جۇمسالاتىنىن «قازاقفيلم» باسشىلىعى رەتتەپ وتىرادى. قاتاڭ باقىلاۋدا. سودان بەرٸ رەتٸمەن كەلە جاتقاندا, دايىندىق جۇمىستارى اياقتالىپ, ەندٸ مٸنە كينو تٷسٸرٸلٸمٸن باستايمىز دەگەندە ارىستانبەك مىرزا جوبانى توقتاتىپ تاستادى. قانشا ادام ايلىقسىز قالدى. ول تاعى بار. سوندىقتان بٸز سوتقا دا جٷگٸندٸك. ٶكٸنٸشكە وراي ەش نەتيجە بولمادى. ەڭ سوڭىندا بٸزگە بٶلٸنگەن 470 ميلليون تەڭگەنٸ مينيستر «قازاق ەلٸ» سەريالىنا اۋدارىپ جٸبەردٸ. جاعداي وسىنداي.
- ٶزٸڭٸز ايتىپ وتىرسىز, قر تەاتر قايراتكەرلەرٸ وداعىنىڭ بارلىق قارجىلىق مەسەلەلەرٸ قيىنداپ تۇر دەپ. سونداي-اق, سٸز ەلباسىنىڭ قابىلداۋىندا بولدىڭىز. سوندا بۇل مەسەلەلەر ايتىلعان شىعار?
- مەن ەندٸ بٸزدٸڭ وداق جايىندا مينيسترگە قانشاما رەت حات جازدىم. ەلباسىنىڭ ٶزٸ «قوعامدىق ۇيىممەن جۇمىس ٸستەڭدەر» دەپ تاپسىرعان. ال ول كٸسٸ كينومەن عانا جۇمىس ٸستەيدٸ ەكەن. بٸزبەن شارۋاسى دا جوق. ەشقانداي جينالىستارىنا شاقىرمايدى. تٸپتٸ دەسەڭٸز, بٸز وداقتىڭ اتىنان جىل سايىن قۇرمەتتٸ اتاقتارعا قازاقستاننىڭ بارلىق ٶڭٸرلەرٸنەن بٸرسىپارا اكتەردٸ ۇسىنامىز. مينيستر بٸزدٸڭ حاتتارعا بٸر دە بٸر رەت جاۋاپ بەرگەن ەمەس. ەستۋٸمشە, ٶسكەمەن تەاترىنىڭ اكتەرٸ ساحان ەلەكەەۆ دەگەن جٸگٸت سول مينيسترمەن بٸرگە وقىعان ەكەن. بارىپ, «مەنٸ وسى وداق مىناداي ماراپاتقا ۇسىنىپ وتىر ەدٸ. سول جاعى نە بولدى, ارەكە?» دەپ جولىعىپتى. سٶيتسە, مينيستر «ول وداقتىڭ ەشقانداي اتاققا ۇسىنۋعا قاقىسى جوق» دەپتٸ. بۇل دەگەنٸڭٸز الباتى سٶز. كەز كەلگەن قوعامدىق ۇيىم اتاققا ۇسىنا الادى. ال ەندٸ تەاتر اكتەرلەرٸن اتاققا بٸزدٸڭ وداق ۇسىنباعاندا كٸم ۇسىنۋى تيٸس?
- ەندٸ جاڭاعى حاتقا قايتا ورالساق, اسەكەڭ مەن مەرۋەرت اپايلار باستاپ سٸزگە قارسى حات جازۋى كٷتپەگەن جاعداي. دەسەك تە, اسانەلٸ اعامەن اراڭىزداعى ارازدىقتىڭ دا ىقپالى بار بولۋى مٷمكٸن عوي?
- اسانەلٸ اعامىز مينيستر ارىستانبەك مىرزانىڭ ارقا سٷيەپ جٷرگەن اعاسى. جىل سايىن اتاق-قۇرمەتٸن, ستەپەنديياسىن بەرٸپ جارىلقاپ جٷرگەن ادامى. قايتالاپ ايتامىن. «ەڭلٸك گٷل» سىيلىعىن العانداردىڭ 70 پايىزى ٶڭٸرلەردەگٸ اكتەرلەر. وبلىستىق تەاترلاردا ايىنا 20-30 مىڭ تەڭگە ايلىق الىپ جٷرگەن, سٶيتە تۇرا ساحناعا ادال قىزمەت ەتٸپ جٷرگەن ازاماتتار. راس, قالعان 30 پايىزى وسى الماتىنىڭ نارداي تەاترلارىندا جٷرگەن دارداي اكتەرلەر. قازٸرگٸ تاڭدا وبلىستاردا 2000-نان استام اكتەر بار. ولاردىڭ ەشقايسىسى اسانەلٸ نەمەسە مەرۋەرتتەن كەم ەمەس. كەرەك دەسەڭٸز, دارىنى اسىپ تٷسەتٸن اكتەرلەر بار. تەك ولار كٶرٸنبەي جٷر. ال ەندٸ اكتەرلەردٸڭ باسى قوسىلمايدى دەگەنگە كەلەتٸن بولساق, بٸزدٸڭ وداق مەملەكەتتەن بٸر تيىن اقشا المايدى.
- قر تەاتر قايراتكەرلەرٸ وداعى شىعاراتىن جۋرنال بار عوي...
- وداق شىعاراتىن «تەاتر» دەگەن جۋرنالعا جىل سايىن بەرەتٸن 1 ميلليون تەڭگەسٸ بار ەدٸ. بيىل ول دا جوق. قازٸر ٷش ايدىڭ نومەرٸ شىقپاي تۇر. سەبەبٸ - اقشا جوق. مٷشەلٸك جارنادان تٷسەتٸن ازىن-اۋلاق تيىن-تەبەن وداقتىڭ ەش جىرتىعىن جامامايدى. جارنانىڭ قۇنى – 500 تەڭگە. سونداعى جينالاتىنى 700-800 مىڭ تەڭگە سالىق, كوممۋنالدىق شىعىن سەكٸلدٸ ۇساق-تٷيەكتەن اسپاي قالادى. ال جۋرنال ايىنا بٸر رەت شىعۋى كەرەك. ونىڭ باسپاحاناسىنا كەمٸندە 600 مىڭ تەڭگە جۇمسالادى. اۋ سوندا مەن بٸر تيىنسىز وتىرعان وداققا جەكە دەمەۋشٸلەردٸ تارتىپ, ٶزٸمنٸڭ از-ماز بەدەلٸمدٸ پايدالانىپ, ەركٸمنٸڭ ەسٸگٸن بٸر قاعىپ جٷرٸپ, «ەڭلٸك گٷلدٸ» ٶتكٸزسەم, وندا وبلىستاردا كٶرٸنبەي جٷرگەن تالانتتى اكتەرلەرگە سىيلىق بەرسەم, كٸنەلٸمٸن بە?
ەلدە مەن تەاتردا كٶپتەن بەرٸ ەشقانداي رٶل ويناماي جٷرگەن مەرۋەرت ٶتەكەشوۆاعا سول «قىز جٸبەك» ٷشٸن قايتا-قايتا سىيلىق بەرە بەرەيٸن بە? اسەكەڭە ول سىيلىقتىڭ نە كەرەگٸ بار?
- جٶن عوي. دەگەنمەن سۇراعىما جاۋاپ بەرمەدٸڭٸز...
- راس, بٸز اسەكەڭ ەكەۋٸمٸز ەكەمتەاتردىڭ 90 جىلدىعىندا ارامىزداعى ەسكٸ داۋدى ۇمىتىپ, قول الىسىپ, كەۋدە قاعىستىرىپ, تاتۋلاستىق. مەن سوندا اسەكەڭە كەلٸپ: «اسەكە-اۋ, ارامىزدا از-كەم ارازدىقتى ۇمىتايىق. مەن ٸنٸڭٸز رەتٸندە ارتىق كەتسەم, كەشٸرٸڭٸز. قاشانعى بۇلاي جٷرەمٸز? بٸز باس بولىپ, باسقا اكتەرلەردٸڭ دە باسىن قوسايىق» دەدٸم. سودان بەرٸ كەرەمەت جٷر ەدٸك, مىنا حاتتا اسەكەڭ كەلٸپ مەنٸ جاقسىلاپ سىباپ تاستاپتى. سوسىن ٶتكەندە ايمان مۇساحودجاەۆانىڭ كونتسەرتٸ بولدى, اباي اتىنداعى تەاتردا. سوندا اسەكەڭ جٷر ەكەن. مەن بارىپ امانداسۋعا باتپادىم. سٶيتسەم اسەكەڭ: «ەي, تۇڭعىشباي, بەرٸ كەل. نە بولدى, امانداسۋدان قالدىڭ با?» دەدٸ. مەن: «اسەكە-اۋ, قورقىپ تۇرمىن. ٶتكەندە عانا بار ٶكپەنٸ ۇمىتىپ, تاتۋلاسقان ەدٸك. ارتىنشا سٸز سولاي دەپسٸز. ەندٸ بارىپ امانداسسام, قولىمدى قاعىپ تاستاي ما دەپ قورقاقتاپ تۇرمىن» دەدٸم, ەزٸل-شىنى ارالاس. سوندا اسەكەڭ: «و, نەسٸ-ەي?!» دەپ اڭ-تاڭ قالدى. مەن تٷسٸندٸردٸم, وسىلاي دا وسىلاي ەكەن دەپ. سوندا اسەكەڭ: «ماعان ٶتكەندە بٸر بالالار حابارلاسىپ, "سەزد ٶتكٸزۋ كەرەك" دەدٸ. مەن "ە, ٶتكٸزسەڭدەر ٶتكٸزٸڭدەر" دەدٸم. باسقا ەشتەڭەسٸن دە بٸلمەيمٸن» دەدٸ. ەندٸ ەلدەكٸمدەر وسىدان دارداي قىلىپ, شۋ شىعارىپ جاتقانعا ۇقسايدى.
- مەرۋەرت ٶتەكەشەەۆا دا «ratel.kz» سايتىنا پٸكٸر بٸلدٸرگەن ەكەن. ول كٸسٸ دە اسەكەڭنٸڭ ايتقانىنداي, بٸرەۋلەر حابارلاسقاندا «ە, جاقسى» دەي سالىپتى...
- مەرۋەرت ٶتەكەشوۆاعا دا بٸرەۋلەر حابارلاسىپ, «سەزد ٶتكٸزۋ كەرەك» دەسە, مەرۋەرت «ٶتكٸزسەڭدەر ٶتكٸزٸڭدەر» دەپتٸ. سوسىن جاڭاعى حاتقا قول قويعان سايلاۋبەك اسىلحانوۆقا حابارلاستىم. سٶيتسەم, «ويباي, تۇڭعىشباي, ەشقانداي حابارىم جوق» دەپ اڭ-تاڭ. تٸپتٸ ٶزٸمنەن سۇراپ وتىر «نە دەپپٸن?» دەپ...
- زينات اكباروۆا اپاي ۇيعىر تەاترىنىڭ اكتريساسى...
- زينات الپىستان اسىپ قالعان اكتريسا عوي. ۇيعىر تەاترىندا ٸستەيدٸ. مەن ول جاققا دا حابارلاسىپ كٶردٸم. ۇيعىر تەاترىنىڭ ديرەكتورى يالقۇنجان شاميلوۆ دەگەن جٸگٸتكە حابارلاسىپ ەم, «تۇقا, زيناپ اپاي اۋىرىپ جاتقالى قاشان. ونداي حاتقا قول قويعان جوق. حابارى دا جوق. سولاي ما ەكەن?!» دەپ وتىر.
ەندٸ اناۋ تاتيانا تاراسوۆا دەگەن اكتريسا 2014 جىلى مەنٸ تٶراعالىققا سايلاعان كەزدە: «ويباي, تۇقا, سٸز باسشىلىققا كەلگەلٸ وداق جاندانىپ, تٸرٸلٸپ قالدى. سوندىقتان سەزگە قاتىسۋشىلار, تۇقاڭنىڭ كانديداتۋراسىن جابىق ەمەس, اشىق داۋىس بەرٸپ-اق سايلايىق» دەپ ۇسىنىس جاساپ, مەنٸ تٶراعالىققا اشىق سايلاعان ادام ەدٸ. تاتيانانىڭ تەرٸس اينالعانىنا سەنە المايمىن.
وداق عيماراتىنا كەلەر بولساق, راس, بٸزدە ەشقانداي عيمارات جوق. جاڭاعى ٶزٸڭ ايتقانداي, مەن 2014 جىلدىڭ 21 تامىز كٷنٸ ەلباسىنىڭ قابىلداۋىندا بولدىم. سوندا جەلتوقسان كٶشەسٸندەگٸ اكتەرلەر ٷيٸن بٸزگە كەڭسە رەتٸندە پايدالانۋعا سۇرادىم. سوندا نۇرسۇلتان ەبٸشۇلى بۇل تاپسىرمانى مەدەنيەت مينيسترٸ ارىستانبەك مۇحاماديۇلىنا جٷكتەپ, مەسەلەنٸ تەزدەتٸپ شەشٸپ بەرۋدٸ تاپسىرعان. سودان دا ەشقانداي نەتيجە بولمادى. كەيٸن مەمحاتشى گٷلشارا ەبدٸحالىقوۆاعا كٸردٸم. ول قايتادان ارىستانبەككە تاپسىرما بەردٸ. ال مينيستر مىرزا اراداعى باياعى رەنٸشتٸ ۇمىتا الماي جٷر...
- ەندٸ بٸر عانا سۇراق. ەگەر سەزد شەشٸم قابىلداپ, وداق تٶراعالىعىنان كەت دەسە, كەتەسٸز بە?
- جاقسى, مەن كەتەيٸن. مەن بۇل ورىنعا جابىسىپ وتىرعانىم جوق. مەنٸڭ ورنىما ٸسكەر, تالانتتى جاس ادام كەلسە, تٸپتٸ, مەن وعان كٶمەكتەسۋگە دايارمىن. ال ەندٸ ٶسەك-اياڭ تاراتىپ, ۇيات تٸرلٸك جاساپ وتىرعانداردىڭ ارتىندا قانشاما بىلىق جاتىر. مەن ونى جاقسى بٸلەمٸن. جەنە جۇرت قۇساپ, ولاردىڭ ارتىن قازبالاپ جاتقانىم جوق. ول ٶز الدىنا بٶلەك ەڭگٸمە. حوش, بٸز جاقىندا پرەزيديۋم شاقىرامىز. سوندا جاڭاعى حاتتى جازعان جەتٸ قايراتكەردٸ دە شاقىرامىز. سٸزدەر دە كەلٸپ قاتىسىڭىزدار. سوندا بارلىعى ويىنداعىسىن ورتاعا سالسىن. ال مەن قايتالاپ ايتامىن, بۇل ورىنعا جابىسىپ وتىرعام جوق. مينيستر اقشا بەرسٸن وداققا, سوسىن كەزەكتەن تىس سەزد ٶتكٸزٸپ, سول جەردە تاعايىندايتىن ادامىن تاعايىنداسىن. الدىمەن مينيستر ارىستانبەك مىرزا وداقتىڭ جاعدايىن, وبلىستارداعى تەاتر اكتەرلەرٸنٸڭ جاعدايىن بٸلٸپ السىن. ايىنا 20-30 مىڭ تەڭگە جالاقىعا وبلىستىق تەاترلاردا قىزمەت ٸستەپ جٷرگەن ازاماتتارعا قولداۋ جاساپ, «ەڭلٸك گٷل» سىيلىعىن بەرگەنٸم ٷشٸن مەن-اق كٸنەلٸ بولا قويايىن. بارى - وسى.
سۇحباتتاسقان نۇرگەلدٸ ەبدٸعانيۇلى
Abai.kz
