الەۋمەتتىك جەلىدە بەلگىلى بلوگەر ەرجان راشيەۆ دونالد ترامپتىڭ اقش-پەن گرەنلانديانى قوسۋ تۋرالى ۇسىنىسىنا قاتىستى ويىن ايتتى، دەپ حابارلايدى Dalanews.kz.

"ءبىز ترامپتىڭ گرەنلانديانى ساتىپ العىسى كەلەتىنى تۋرالى ۇسىنىسىنا كۇلە قارايمىز. ءبىراق شىنىنا كەلەر بولساق، ەگەر ترامپ قازاقستاندى مىسالى 500 ميلليارد دوللارعا ساتىپ الۋدى (ءار قازاقستاندىققا 25 مىڭ دوللاردان) ۇسىنىپ، ونى اقش-تىڭ 51-شتاتى قىلسا، ونى قازاقتاردىڭ 90 پايىزى قولدار ەدى"، دەيدى بلوگەر. 

ايتا كەتەيىك، كۋرسيۆ مالىمەتىنشە،جاقىندا اقش پرەزيدەنتى رەتىندە رەسمي تۇردە قىزمەتىنە كىرىسەتىن دونالد ترامپ ەكونوميكالىق قاۋىپسىزدىك ءۇشىن گرەنلانديا مەن پاناما كانالىن ساتىپ الۋ تۋرالى ويىن جەتكىزدى. بۇعان ارالعا يەلىك ەتەتىن دانيا وتكىر جاۋاپ قاتىپ، گرەنلانديانىڭ اقش-قا وتكەننەن گورى، تاۋەلسىز مەملەكەت اتانۋ ىقتيمالدىعى جوعارى ەكەنىن ءمالىم ەتتى.

Euronews.com اقش پرەزيدەنتىنىڭ قىزىعۋشىلىعىن تۋدىرىپ وتىرعان ارالدىڭ ەكونوميكالىق، كليماتتىق ءارى گەوساياسي ماڭىزى زور ەكەنىن جازدى.

باسىلىم مالىمەتىنشە، گرەنلانديا قويناۋىندا تەلەكوممۋنيكاسيا ءۇشىن قاجەتتى قۇندى سيرەك كەزدەسەتىن مينەرالدار، ۋران، ميللياردتاعان يگەرىلمەگەن مۇناي مەن قولجەتىمدى بولا باستاعان تابيعي گازدىڭ وراسان زور قورى بار.

قاشىقتا جاتقان، مۇزبەن كومكەرىلگەن جانە كوپ بولىگى تابيعي قالپىن ساقتاعان گرەنلانديا كۇن سايىن ميللياردتاعان ادامعا اسەر ەتەتىن اۋا رايى مەن عالامشاردا بولىپ جاتقان كليماتتىق وزگەرىستەردە ۇلكەن ءرول اتقارادى.