ەزەربايجاندا باكۋ اۆياتسييالىق فورۋمىنا رەسەيلٸك كومپانييالاردى تٸركەۋ توقتاتىلدى, دەپ حابارلايدى Dalanews.kz.
بۇل تۋرالى اقپارات حالىقارالىق ەۋە كٶلٸگٸ قاۋىمداستىعىنىڭ (IATA) رەسمي سايتىندا پايدا بولعان.
"ەلەمدٸك اۆياتسييالىق جانارماي قاۋىمداستىعىنىڭ باستى سالالىق كەزدەسۋٸ رەتٸندە AEF تەك IATA مٷشەلەرٸ مەن IATA ستراتەگييالىق سەرٸكتەستەرٸنٸڭ شاقىرۋىمەن ٶتكٸزٸلەدٸ. Azerbaijan Airlines كومپانيياسىنىڭ Embraer E190 ۇشاعىنىڭ اپاتىن تەرگەۋ نەتيجەلەرٸ جارييالانعانعا دەيٸن, قابىلداۋشى ەلدٸڭ تالابى بويىنشا رەسەي فەدەراتسيياسىنىڭ كومپانييالارىن تٸركەۋ ۋاقىتشا توقتاتىلدى", دەلٸنگەن سايتتا.
اۆياتسييالىق ەنەرگەتيكا فورۋمى (Aviation Energy Forum, AEF) 13-15 مامىردا ەزەربايجاننىڭ باكۋ قالاسىندا ٶتەدٸ دەپ جوسپارلانعان.
بۇل ٸس-شارا جانارماي فورۋمى مەن تۇراقتى اۆياتسييالىق جانارماي (SAF) سيمپوزيۋمىن بٸرٸكتٸرەدٸ. فورۋم اۆياكومپانييا ٶكٸلدەرٸ, جانارماي مەن SAF جەتكٸزۋشٸلەرٸ جەنە IATA-نىڭ ستراتەگييالىق سەرٸكتەستەرٸ ٷشٸن ۇيىمداستىرىلعان.
ايتا كەتەيٸك, 2024 جىلى 25 جەلتوقساندا جەرگٸلٸكتٸ ۋاقىت بويىنشا 11.30-دا اقتاۋ ماڭىندا باكۋدەن گروزنىيعا ۇشىپ بارا جاتقان ۇشاق اپاتقا ۇشىرادى. بۇل - Azerbaijan Airlines ەۋەكومپانيياسىنا تيەسٸلٸ ەمبراەر 190 ۇشاعى.
اقپارات بويىنشا ۇشاق بورتىندا 67 ادام, ونىڭ ٸشٸندە 5 ەكيپاج مٷشەسٸ بولعان.
اپاتتان 6 قازاقستاندىق كٶز جۇمدى. جالپى قازا تاپقاندار سانى — 38. قايعىلى وقيعادان 29 ادام امان قالدى.
قايعىلى وقيعادان كەيٸن ەزەربايجاندا جالپىۇلتتىق ازا تۇتۋ كٷنٸ جارييالاندى. تٷستە بٷكٸل ەل بويىنشا مەملەكەتتٸك تۋلار تٷسٸرٸلٸپ, كٶلٸكتەر توقتادى. ەزەربايجاندىقتار قازا تاپقانداردى بٸر مينۋت ٷنسٸزدٸكپەن ەسكە الدى.
كەيٸنٸرەك چيكاگو كونۆەنتسيياسىنىڭ 13-قوسىمشاسىنا سەيكەس قازاقستان ەزەربايجان مەن رەسەيدٸڭ اۆياتسييالىق ورگاندارىمەن اقىلداسقان سوڭ, قر كٶلٸك مينيسترٸ مارات قاراباەۆ باسقاراتىن كوميسسييا Embraer ۇشاعىنىڭ قارا جەشٸگٸن برازيليياداعى CENIPA ورتالىعىنا جٸبەرۋ تۋرالى شەشٸم قابىلدادى.
