ءماجىلىس دەپۋتاتتارى "قازاقستان رەسپۋبليكاسىنداعى بانكتەر جانە بانك قىزمەتى تۋرالى" زاڭ جوباسىن ءوز قاراۋىنا الدى. دەپۋتات تاتيانا ساۆەليەۆا اتالعان زاڭ جوباسى مەملەكەت باسشىسىنىڭ قارجى سەكتورىن ودان ءارى دامىتۋ جونىندەگى تاپسىرماسىن ىسكە اسىرۋ ماقساتىندا ازىرلەنگەنءىن ناقتىلادى، دەپ حابارلايدى Dalanews.kz.
"بانك قىزمەتىنىڭ جالپى ەرەجەلەرىن، ماقساتتارىن، مىندەتتەرىن، رەتتەۋ جانە كورپوراتيۆتىك باسقارۋ قاعيداتتارىن جەتىلدىرۋ تۇرعىسىندا وزگەرىستەر ەنگىزىلۋدە. بۇل بۇكىل بانك سەكتورى ءۇشىن ءبىرىڭعاي جانە ءتيىمدى نەگىز قۇرۋعا مۇمكىندىك بەرەدى. بانكتىك قاداعالاۋ بەلگىلەنىپ، بانكتەردى اشۋ جانە ليسەنزيالاۋ تارتىبىنە قويىلاتىن تالاپتار دا وزگەرتىلۋدە"، - دەدى ساۆەليەۆا.
اتالعان بلوكتاعى نەگىزگى باستامالاردىڭ ءبىرى – بازالىق بانكتىك ليسەنزيانى ەنگىزۋ. بۇل نارىققا جاڭا بانكتەرءدىڭ ەنۋ شارتتارىن جەڭىلدەتەدى جانە باسەكەلەستىكتى ارتتىرادى، سونىمەن قاتار بيزنەستى نەسيەلەندىرۋگە وڭ اسەر ەتەدى. سونىمەن قاتار قارجى ۇيىمدارىنىڭ باسشىلارى ءۇشىن ستاندارتتار جوعارىلايدى، سوندىقتان باسشىلىققا تەك كاسىبي دايىندالعان جانە ادال ماماندار كەلەدى.
"سونداي-اق، سالىمشىلاردىڭ مۇددەلەرىن قورعاۋ جانە قارجى جۇيەسىنىڭ تۇراقتىلىعىن ساقتاۋ ماقساتىندا تولەمگە قابىلەتسىز بانكتەردى رەتتەۋ تەتىكتەرى ەنگىزىلۋدە"، دەپ ءسوزىن تولىقتىرادى دەپۋتات.
ايتا كەتسەك، بيىلعى ءوز حالقىنا ارناعان جولداۋىندا مەملەكەت باسشىسى "بانكتەر تۋرالى" زاڭ جوباسىن ازىرلەۋدى تاپسىرعان بولاتىن. سونداي-اق قاسىم-جومارت توقايەۆ سيفرلىق اكتيۆتەردىڭ تولىققاندى ەكوجۇيەسىن تەزىرەك قالىپتاستىرۋ كەرەك ەكەنىن ايتتى. بۇل تۋرالى ەكونوميست رۋسلان سۇلتانوۆ ەگجەي-تەگجەيلى ايتىپ بەرگەن بولاتىن. ونى مىنا ارادان وقي وتىرىڭىزدار.
