اقش-تا مۇحتار ماعاۋيننٸڭ بەيٸتٸنٸڭ باسىنا قۇلپىتاس ورناتىلدى, دەپ حابارلايدى dalanews.kz.
بۇل تۋرالى اقش-تاعى قازاق ازاماتى ساپاربەك ناعاشىبەكوۆ حابارلادى.
ونىڭ سٶزٸنشە, ۆاشينگتوندا قازاقتىڭ ۇلى جازۋشىسى, زەرتتەۋشٸسٸ ەرٸ تاريحشىسى مۇحتار ماعاۋيننٸڭ بەيٸتٸنٸڭ باسىنا قۇلپىتاس ورناتىلىپ, امەريكاداعى “مۇحتار ماعاۋين اتىنداعى قازاق ۇلتتىق مەدەني-اعارتۋ ورتالىعىنىڭ” رەسمي تانىستىرىلىمى ٶتكەن.
"مۇحتار ماعاۋين بٷكٸل سانالى عۇمىرىن قازاق حالقىنا ارنادى. ول 85 جاسقا كەلگەنشە 27 تومدىق ەڭبەگٸن جازىپ, قازاقتىڭ بەس عاسىرلىق تاريحىن رۋحاني تۇرعىدا تٷگەندەپ بەردٸ. بولاشاق ۇرپاق اتامىزدىڭ ۇلى ەڭبەگٸن ەلٸ تالاي باعالايتىنى سٶزسٸز. قازاقتىڭ تاريحىندا وسىنشاما كٸتاپتار جازعان جازۋشى بولماعان", - دەيدٸ ساپاربەك ناعاشىبەكوۆ.
ول مۇحتار ماعاۋيننٸڭ باستى ەڭبەكتەرٸن اتاپ ٶتتٸ.
1. قازاق تاريحىن ورىس كٶزقاراسىمەن ەمەس, قازاقتىڭ ٶز كٶزٸمەن كٶرسەتتٸ
2. ۇمىت قالعان تاريحي دەرەكتەر مەن تۇلعالاردى تٸرٸلتتٸ
3. ەدەبيەت ارقىلى ۇلتتىق تاريحي سانانى قايتا وياتتى
4. «قازاقتا مەملەكەت تە, يدەيا دا, ويشىل دا بولماعان» دەگەن جالعان تٷسٸنٸكتٸ جوققا شىعاردى.
"ماعاۋين اتامىزدىڭ ەڭبەكتەرٸ باسقا ۇلتپەن, جۇرتپەن تەرەزەمٸز تەڭ ەكەنٸن, باي تاريحىمىز بار ەكەنٸن ۇعىندىردى. باسىمىزدى تٸك كٶتەرٸپ, قازاقپىن دەپ ايتۋعا سەنٸم بەردٸ. اللانىڭ قالاۋىمەن, وسىنداي دانىشپان تۇلعانىڭ توپىراعى امەريكا جەرٸنە بۇيىرىپتى. مۇحتار ماعاۋين جاتقان جەر دە ەندٸ قازاق ٷشٸن كيەلٸ مەكەن دەپ قابىلدانارى سٶزسٸز. قازاق قالاي بەرلينگە بارعاندا مۇستافا شوقايدى ٸزدەسە, ەندٸ سولاي امەريكا استاناسىنا كەلگەندە ماعاۋين باسىنا كەلەمٸن دەپ نيەت ەتەرٸ اقيقات. قازاق تاريحىنان بٸر ۋنيۆەرسيتەت بەرەتٸن بٸلٸمدٸ جازىپ كەتكەن ۇلى تۇلعا - بٸلٸمدە, تاريحتا, كٸتاپتا شەكارا جوقتىعىن كٶرسەتٸپ تۇرعانداي. قايدا توپىراق بۇيىرعانى جەي شارتتىلىق. ال, ورىندالعان ميسسييا, ارتىنان قالعان ەڭبەك, مٸنە ول - شەكسٸز! مەڭگٸلٸك! وسى ەڭبەكتەرٸ ٷشٸن بٸز, قازاق حالقى, مۇحتار ماعاۋينگە قارىزدارمىز. قازاققا وسىنداي تۇلعانى بەرگەن اللاعا سانسىز شٷكٸر, شەكسٸز ماداق بولسىن", - دەيدٸ ناعاشىبەكوۆ.
ايتا كەتەيٸك, مۇحتار ماعاۋين بيىل 10 قاڭتاردا ٶمٸردەن ٶتتٸ.
ماعاۋيننٸڭ قازاسى نەنٸ ۇقتىردى?
مۇحتار ماعاۋين سوڭعى سۇحباتىندا نازارباەۆتىڭ بيلٸگٸنە باعا بەردٸ
