AQSh-ta Muhtar Maǵaýinniń beiitiniń basyna qulpytas ornatyldy, dep habarlaidy dalanews.kz.
Bul týraly AQSh-taǵy qazaq azamaty Saparbek Naǵashybekov habarlady.
Onyń sózinshe, Vashingtonda qazaqtyń uly jazýshysy, zertteýshisi ári tarihshysy Muhtar Maǵaýinniń beiitiniń basyna qulpytas ornatylyp, Amerikadaǵy “Muhtar Maǵaýin atyndaǵy Qazaq ulttyq mádeni-aǵartý ortalyǵynyń” resmi tanystyrylymy ótken.
"Muhtar Maǵaýin búkil sanaly ǵumyryn qazaq halqyna arnady. Ol 85 jasqa kelgenshe 27 tomdyq eńbegin jazyp, qazaqtyń bes ǵasyrlyq tarihyn rýhani turǵyda túgendep berdi. Bolashaq urpaq atamyzdyń uly eńbegin áli talai baǵalaityny sózsiz. Qazaqtyń tarihynda osynshama kitaptar jazǵan jazýshy bolmaǵan", - deidi Saparbek Naǵashybekov.
Ol Muhtar Maǵaýinniń basty eńbekterin atap ótti.
1. Qazaq tarihyn orys kózqarasymen emes, qazaqtyń óz kózimen kórsetti
2. Umyt qalǵan tarihi derekter men tulǵalardy tiriltti
3. Ádebiet arqyly ulttyq tarihi sanany qaita oiatty
4. «Qazaqta memleket te, ideia da, oishyl da bolmaǵan» degen jalǵan túsinikti joqqa shyǵardy.
"Maǵaýin atamyzdyń eńbekteri basqa ultpen, jurtpen terezemiz teń ekenin, bai tarihymyz bar ekenin uǵyndyrdy. Basymyzdy tik kóterip, qazaqpyn dep aitýǵa senim berdi. Allanyń qalaýymen, osyndai danyshpan tulǵanyń topyraǵy Amerika jerine buiyrypty. Muhtar Maǵaýin jatqan jer de endi qazaq úshin kieli meken dep qabyldanary sózsiz. Qazaq qalai Berlinge barǵanda Mustafa Shoqaidy izdese, endi solai Amerika astanasyna kelgende Maǵaýin basyna kelemin dep niet eteri aqiqat. Qazaq tarihynan bir ýniversitet beretin bilimdi jazyp ketken uly tulǵa - bilimde, tarihta, kitapta shekara joqtyǵyn kórsetip turǵandai. Qaida topyraq buiyrǵany jái sharttylyq. Al, oryndalǵan missiia, artynan qalǵan eńbek, mine ol - sheksiz! Máńgilik! Osy eńbekteri úshin biz, qazaq halqy, Muhtar Maǵaýinge qaryzdarmyz. Qazaqqa osyndai tulǵany bergen Allaǵa sansyz shúkir, sheksiz madaq bolsyn", - deidi Naǵashybekov.
Aita keteiik, Muhtar Maǵaýin biyl 10 qańtarda ómirden ótti.
Maǵaýinniń qazasy neni uqtyrdy?
Muhtar Maǵaýin sońǵy suhbatynda Nazarbaevtyń biligine baǵa berdi
