ەۋروپالىق وداق پەن ۇلىبريتانيا باسشىلارى اقش پەن رەسەي پرەزيدەنتتەرىنىڭ كەزدەسۋىنەن كەيىن بىرلەسكەن مالىمدەمە جاسادى، دەپ حابارلايدى Dalanews.kz.
ەۋروپالىق وداق رەسەيگە قارسى سانكسيالىق قىسىمدى كۇشەيتە ءتۇسىپ، ۋكراينانى ارى قاراي دا قولدايتىنىن مالىمدەدى.
ەۋروپالىق وداق سانكسيالاردى كۇشەيتۋگە مۇددەلى
ولار كييەۆكە قارۋ-جاراق جەتكىزۋدەگى كەز-كەلگەن شەكتەۋلەردى تىيۋعا نيەتتى ەكەندىكتەرىن جانە رەسەي ۋكراينانىڭ ەو مەن ناتو-عا كىرۋىنە توسقاۋىل بولماۋى كەرەكتىگىن اتاپ ءوتتى. ۋكراينا "قاۋىپسىزدىكتىڭ سەنىمدى كەپىلىنە" يە بولۋى كەرەك، ال ونىڭ قارۋلى كۇشتەرى "ەشقانداي شەكتەۋلەرگە ۇشىراماۋى ءتيىس".
سونداي-اق، ۋكراينا رەسەيمەن قاقتىعىستى رەتتەۋ اياسىندا ءوز تەرريتورياسىنا قاتىستى شەشىمدى ءوزى قابىلداۋى كەرەكتىگى دە باسا ايتىلادى.
ترامپ بەيبىت كەلىسىمىنەن ءۇمىتتى
اقش پرەزيدەنتى دونالد ترامپ Truth Social-داعى پاراقشاسىندا الياسكادا ۆلاديمير پۋتينمەن وتكەن كەزدەسۋ، سونداي-اق ۆلاديمير زەلەنسكييمەن جانە ەۋروپالىق ەلدەردىڭ كوشباسشىلارمەن بولعان اڭگىمەدەن كەيىنگى ءوز ويىمەن ءبولىسىپ، جەلىدەگى پاراقشاسىندا جازبا جاريالادى.
"الياسكاداعى كەرەمەت جانە وتە ءساتتى كۇن! رەسەي پرەزيدەنتى ۆلاديمير پۋتينمەن كەزدەسۋ دە، سونداي-اق ۋكراينا پرەزيدەنتى زەلەنسكييمەن جانە ءارتۇرلى ەۋروپالىق ەلدەر كوشباسشىلارمەن، سونىڭ ىشىندە ناتو-نىڭ قۇرمەتتى باس حاتشىسىمەن بولعان كەشقۇرىم ۋاقىتتاعى تەلەفون ارقىلى اڭگىمەمىز دە وتە جاقسى ءوتتى"، - دەپ جازدى اقش پرەزيدەنتى.
اق ءۇيدىڭ باسشىسى بارلىق تاراپ بەيبىت كەلىسىمگە كەلۋ كەرەك دەگەن ءبىر پىكىرگە كەلگەنىن اتاپ ءوتتى.
"بارلىعى رەسەي مەن ۋكراينا اراسىنداعى جانتۇرشىگەرلىك سوعىستى توقتاتۋدىڭ ەڭ ۇتىمدى ءتاسىلى، كوبىنەسە ورىندالا بەرمەيتىن اتىستى دوعارۋ تۋرالى كەلىسىم ەمەس، سوعىستى توقتاتاتىن تىكەلەي بەيبىت كەلىسىمىن جاساۋ دەپ كەلىستى"، - دەپ اتاپ ءوتتى ترامپ.
سونداي-اق، ول ۆلاديمير زەلەنسكييدىڭ 18 تامىزدا ۆاشينگتونعا كەلەتىنىن ايتتى.
"ەگەر ءبارى ويداعىداي وتسە، ءبىز پرەزيدەنت پۋتينمەن كەزدەسۋىمىزدى جوسپارلايمىز. بۇل ميلليونداعان ادامداردىڭ ءومىرىن ساقتاپ قالۋى مۇمكىن. وسى ماسەلەگە نازار اۋدارعاندارىڭىز ءۇشىن راقمەت!"، دەپ جازدى دونالد ترامپ.
زەلەنسكيي كەلىسسوزدەردىڭ بارلىق كەزەڭدەرىندە ەۋروپالىق ارىپتەستەرىنىڭ بولۋىنا مۇددەلى
ۋكراينا پرەزيدەنتى ۆلاديمير زەلەنسكيي دە 2025 جىلدىڭ 18 تامىزىندا ۆاشينگتوعا باراتىنىن راستادى.
بۇل تۋرالى ۋكراينا باسشىسى اقش پرەزيدەنتىمەن سويلەسكەننەن كەيىن Telegram ارناسىندا مالىمدەدى. ول رەسەيمەن اراداعى اتىستى دوعارۋ جايىن تالقىلاۋدى جوسپارلاپ وتىرعانىن دا اتاپ ءوتتى.
زەلەنسكيي ترامپپەن الدىمەن جەكەلەي، سودان كەيىن ەۋروپالىق كوشباسشىلاردىڭ قاتىسۋىمەن سويلەسكەنىن جەتكىزدى. اڭگىمە 1،5 ساعاتتان استام ۋاقىتقا سوزىلدى. ترامپ زەلەنسكييگە رەسەي پرەزيدەنتى ۆلاديمير پۋتينمەن الياسكاداعى كەزدەسۋى جانە اراداعى اڭگىمەنىڭ نەگىزگى بولىكتەرى تۋرالى حابارلاعان.
"ۋكراينا بەيبىتشىلىك ءۇشىن بارىنشا ءونىمدى جۇمىس ىستەۋگە دايىن ەكەنىن تاعى دا راستايدى"، - دەپ اتاپ ءوتتى زەلەنسكيي ءوز جازباسىندا.
سونداي-اق ول ترامپتىڭ ۋكراينا، اقش جانە رەسەي فەدەراسياسى باسشىلارىنىڭ ءۇشجاقتى ءسامميتىن وتكىزۋ تۋرالى ۇسىنىسىن قولدايتىنىن مالىمدەدى. ول كەلىسسوزدەردىڭ بارلىق كەزەڭدەرىندە ەۋروپالىق ارىپتەستەردىڭ بولۋىنىڭ ماڭىزدى ەكەنىن دە اتاپ ءوتتى.
بۇعان دەيىن ترامپ پەن ءپۋتيننىڭ الياسكاداعى كەلىسسوزدەرىنىڭ قورىتىندىسى جاريالانعانىن جازعانبىز. سونداي-اق بۇل كەزدەسۋگە قاتىستى ساياساتتانۋشىلار قانداي ويدا ەكەنىن دە جەتكىزگەن ەدىك. قازاقستان رەسەي مەن اقش پرەزيدەنتتەرىنىڭ انكوريدجدەگى كەزدەسۋىن ۋكراينا بويىنشا ەڭ جوعارى دەڭگەيدەگى كەلىسسوزدەر ۇدەرىسىنىڭ باستاماسى رەتىندە قۇپتايدى.
