ەرتٸس اۋدانى پروكۋراتۋراسى جالپى اۋدانى 89 مىڭ گەكتاردى قۇرايتىن اۋىل شارۋاشىلىعى ماقساتىنداعى جەرلەردٸڭ تيٸمسٸز پايدالانىلۋ فاكتٸلەرٸن انىقتادى, دەپ حابارلايدى dalanews.kz.
جەر رەسۋرستارى اگروٶنەركەسٸپتٸك كەشەندٸ دامىتۋدىڭ نەگٸزگٸ فاكتورلارىنىڭ بٸرٸ بولىپ تابىلادى. زاڭنامادا جايىلىمدارعا تٷسەتٸن ەڭ تٶمەنگٸ جول بەرٸلەتٸن جٷكتەمە بويىنشا تالاپتار كٶزدەلگەن. ٶيتكەنٸ اۋىل شارۋاشىلىعى جانۋارلارىنىڭ جەتكٸلٸكتٸ سانى جەردٸڭ قۇنارلىلىعىن ساقتاۋعا, مال ازىعى قورىن قالپىنا كەلتٸرۋگە جەنە توپىراقتىڭ توزۋىنىڭ الدىن الۋعا ىقپال ەتەدٸ.
پروكۋراتۋرا جٷرگٸزگەن تالداۋ نەتيجەسٸندە 54 جەر پايدالانۋشىنىڭ اۋىل شارۋاشىلىعى القاپتارىن جەر زاڭناماسىنىڭ تالاپتارىن بۇزا وتىرىپ پايدالانعانى انىقتالدى. جالپى اۋدانى 56 مىڭ گەكتاردان اساتىن جەر ۋچاسكەلەرٸنە قاتىستى 15 دەرەك بويىنشا ماتەريالدار شارالار قابىلداۋ جەنە تيٸستٸ تەكسەرۋلەر جٷرگٸزۋ ٷشٸن پاۆلودار وبلىسىنىڭ جەر رەسۋرستارىن باسقارۋ دەپارتامەنتٸنە جولداندى.
قابىلدانعان شارالاردىڭ نەتيجەسٸندە كاداسترلىق قۇنى 18 ميلليون تەڭگەدەن اساتىن 2 531,2 گەكتار جايىلىمدىق جەر مەملەكەت مەنشٸگٸنە قايتارىلدى.
قايتارىلعان جەر ۋچاسكەلەرٸ ەرتٸس اۋدانىنىڭ ارنايى جەر قورىنا ەنگٸزٸلدٸ. الداعى ۋاقىتتا ولار زاڭنامادا بەلگٸلەنگەن تەرتٸپپەن ازاماتتارعا شارۋا جەنە فەرمەر قوجالىقتارىن جٷرگٸزۋ ٷشٸن بەرٸلەتٸن بولادى.
