Ertis aýdany prokýratýrasy jalpy aýdany 89 myń gektardy quraityn aýyl sharýashylyǵy maqsatyndaǵy jerlerdiń tiimsiz paidalanylý faktilerin anyqtady, dep habarlaidy dalanews.kz.
Jer resýrstary agroónerkásiptik keshendi damytýdyń negizgi faktorlarynyń biri bolyp tabylady. Zańnamada jaiylymdarǵa túsetin eń tómengi jol beriletin júkteme boiynsha talaptar kózdelgen. Óitkeni aýyl sharýashylyǵy janýarlarynyń jetkilikti sany jerdiń qunarlylyǵyn saqtaýǵa, mal azyǵy qoryn qalpyna keltirýge jáne topyraqtyń tozýynyń aldyn alýǵa yqpal etedi.
Prokýratýra júrgizgen taldaý nátijesinde 54 jer paidalanýshynyń aýyl sharýashylyǵy alqaptaryn jer zańnamasynyń talaptaryn buza otyryp paidalanǵany anyqtaldy. Jalpy aýdany 56 myń gektardan asatyn jer ýchaskelerine qatysty 15 derek boiynsha materialdar sharalar qabyldaý jáne tiisti tekserýler júrgizý úshin Pavlodar oblysynyń Jer resýrstaryn basqarý departamentine joldandy.
Qabyldanǵan sharalardyń nátijesinde kadastrlyq quny 18 million teńgeden asatyn 2 531,2 gektar jaiylymdyq jer memleket menshigine qaitaryldy.
Qaitarylǵan jer ýchaskeleri Ertis aýdanynyń arnaiy jer qoryna engizildi. Aldaǵy ýaqytta olar zańnamada belgilengen tártippen azamattarǵa sharýa jáne fermer qojalyqtaryn júrgizý úshin beriletin bolady.
