وسى رەتتە الاشتىڭ ارداقتى ازاماتى, مارقۇم التىنبەك سەرسەنباەۆتىڭ كەزٸندە «شىننىڭ جٷزٸ» باعدارلاماسىندا ايتقان تٶمەندەگٸ ويى كٶپشٸلٸككە وي سالار دەگەن نيەتپەن سايتىمىزعا ەدەيٸ جارييالاپ وتىرمىز.
التەكەڭ «نە دەيدٸ» دەيسٸز عوي. بەلگٸلٸ جۋرناليست قاسىم امانجول:
– التەكە, سٸز مەدەنيەت مينيسترٸ بولىپ تۇرعاندا تەاترداعى قويىلىمداردىڭ پرەمەراسىنا سيرەك باراتىنسىز. تٸپتٸ, سٸزدٸ تەاترعا مٷلدە بارمادى دەسە بولاتىنداي?.. – دەپ كٶكەيدە جٷرگەن ساۋالىن قويىپتى.
جۋرناليستىڭ سۇراعىنا التىنبەك سەرسەمباەۆ ٶزٸنٸڭ مينيستر بولىپ تۇرعاندا ٶزگە مينيسترلەر سەكٸلدٸ نٶكەرلەرٸن ەرتٸپ, الدىڭعى قاتاردا وتىرىپ, جۇرتتىڭ نازارىن ٶزٸنە اۋدارماعانىن ايتا كەلە, ويىن بىلايشا ساباقتاپتى:
– مەن تەاترعا بارعاندى جاقسى كٶرەمٸن. بٸراق مٷمكٸندٸگٸنشە تەاترعا قاراپايىم كٶرەرمەن سەكٸلدٸ بيلەتتٸ ٶز اقشاما ساتىپ الىپ, جۇرتپەن بٸرگە قويىلىمدى تاماشالاعاندى جانىم قالايدى.
بٸردە بەلگٸلٸ رەجيسسەر بولات اتاباەۆ ٶزٸنٸڭ قويىلىمىندا مەنٸڭ زالدا وتىرعانىمدى بايقاپ قالدى. سودان سوڭ تەاتر قىزمەتكەرلەرٸ سول كەزدەگٸ تەاتردىڭ ديرەكتورى تۇڭعىشباي جامانقۇلوۆ اعىمىزعا «تەاتردى مينيستر وتىر» دەپ تەلەفون سوعىپتى.
تۇڭعىشباي اعامىز قويىلىمنىڭ ەكٸنشٸ بٶلٸمٸنەدە ٷيدە جاتقان جەرٸنەن كەلٸپ «التەكە كەلەتٸنٸڭٸزدٸ نەگە كٷنٸ بۇرىن ايتپادىڭىز?» دەمەسٸ بار ما?
مەن سول كەزدە: «مەن سٸزدەردٸ مازالاۋ ٷشٸن ەمەس, مىنا قويىلىمدى ازامات رەتٸندە تاماشالاۋعا كەلدٸم. زالدا ٶزٸمدٸ مينيستر رەتٸندە سەزٸنگٸم كەلمەيدٸ. قاراپايىم كٶرەرمەن رەتٸندە رۋحاني لەززات الۋ ٷشٸن كەلدٸم. مەن تەاترعا ٶز اياعىممەن كەلٸپ, ٶز اياعىممەن كەتەتٸن كٶپ كٶرەرمەندەردٸڭ بٸرٸمٸن» دەپ جاۋاپ بەردٸم.
جالپى, تەاترعا شابارمانداردى ەرتٸپ, جۇرتتى دٷرلٸكتٸرٸپ بٸر رەت كەلٸپ, وتىز كٷن ايتىپ جٷرەتٸندەي ەرەكەتكە بارۋعا بولادى. سونىمەن قاتار تەاترعا كٶپ كٶرەرمەننٸڭ بٸرٸ رەتٸندە جىلىنا ون رەت كەلٸپ, ەشقانداي ساياسي جارناما جاساماۋعا بولادى, – دەپ تاماشا جاۋاپ بەرگەن ەدٸ.
يە, بولماشى دٷنيەدەن جارناما جاسىپ, جۇرتتى دٷرلٸكتٸرۋگە جانى قۇمار جۇرت التەكەڭدەي ازاماتتان ٷلگٸ-ٶنەگە السىن دەپ وسى دٷنيەنٸ ەدەيٸ جازىپ وتىرمىز. ەرينە, مۇنى ۇعاتىن كٶكٸرەك, تىڭدايتىن قۇلاق بولسا قانەكي?
نۇرلان جۇماحان
[video width="720" height="540" mp4="https://dalanews.kz/wp-content/uploads/2018/04/dalanews-tv.mp4"][/video]
https://dalanews.kz/9192
