Osy rette Alashtyń ardaqty azamaty, marqum Altynbek Sársenbaevtyń kezinde «Shynnyń júzi» baǵdarlamasynda aitqan tómendegi oiy kópshilikke oi salar degen nietpen saitymyzǵa ádeii jariialap otyrmyz.
Altekeń «ne deidi» deisiz ǵoi. Belgili jýrnalist Qasym Amanjol:
– Alteke, siz Mádeniet ministri bolyp turǵanda teatrdaǵy qoiylymdardyń premerasyna sirek baratynsyz. Tipti, sizdi teatrǵa múlde barmady dese bolatyndai?.. – dep kókeide júrgen saýalyn qoiypty.
Jýrnalistyń suraǵyna Altynbek Sársembaev óziniń ministr bolyp turǵanda ózge ministrler sekildi nókerlerin ertip, aldyńǵy qatarda otyryp, jurttyń nazaryn ózine aýdarmaǵanyn aita kele, oiyn bylaisha sabaqtapty:
– Men teatrǵa barǵandy jaqsy kóremin. Biraq múmkindiginshe teatrǵa qarapaiym kórermen sekildi biletti óz aqshama satyp alyp, jurtpen birge qoiylymdy tamashalaǵandy janym qalaidy.
Birde belgili rejisser Bolat Atabaev óziniń qoiylymynda meniń zalda otyrǵanymdy baiqap qaldy. Sodan soń teatr qyzmetkerleri sol kezdegi teatrdyń direktory Tuńǵyshbai Jamanqulov aǵymyzǵa «teatrdy ministr otyr» dep telefon soǵypty.
Tuńǵyshbai aǵamyz qoiylymnyń ekinshi bóliminede úide jatqan jerinen kelip «Alteke keletinińizdi nege kúni buryn aitpadyńyz?» demesi bar ma?
Men sol kezde: «Men sizderdi mazalaý úshin emes, myna qoiylymdy azamat retinde tamashalaýǵa keldim. Zalda ózimdi ministr retinde sezingim kelmeidi. Qarapaiym kórermen retinde rýhani lázzat alý úshin keldim. Men teatrǵa óz aiaǵymmen kelip, óz aiaǵymmen ketetin kóp kórermenderdiń birimin» dep jaýap berdim.
Jalpy, teatrǵa shabarmandardy ertip, jurtty dúrliktirip bir ret kelip, otyz kún aityp júretindei áreketke barýǵa bolady. Sonymen qatar teatrǵa kóp kórermenniń biri retinde jylyna on ret kelip, eshqandai saiasi jarnama jasamaýǵa bolady, – dep tamasha jaýap bergen edi.
Iá, bolmashy dúnieden jarnama jasyp, jurtty dúrliktirýge jany qumar jurt Altekeńdei azamattan úlgi-ónege alsyn dep osy dúnieni ádeii jazyp otyrmyz. Árine, muny uǵatyn kókirek, tyńdaityn qulaq bolsa qaneki?
Nurlan JUMAHAN
[video width="720" height="540" mp4="https://dalanews.kz/wp-content/uploads/2018/04/dalanews-tv.mp4"][/video]
https://dalanews.kz/9192
