قازٸرگٸ تاڭدا نۇر-سۇلتان قالاسىنىڭ اۋماعىندا 16 جەكە سەكتورلى ەلدٸ مەكەن بار. ونىڭ بٸرازى تسەلينوگراد كەزٸنەن كەلە جاتقان, ال قالعاندارى جاڭادان قوسىلعان ەلدٸ مەكەندەر ەكەنٸ بەلگٸلٸ. بۇل مەسەلە جايىندا قالا ەكٸمٸ بىلاي دەدٸ:
– ەلباسىمىز نۇرسۇلتان نازارباەۆ جىلدىڭ باسىندا ەلٸمٸزدەگٸ ٸرٸ ٷش قالا – نۇر-سۇلتان, الماتى, شىمكەنتتٸ دامىتۋعا قاتىستى مەملەكەت قازىناسىنان 90 ملرد تەڭگە بٶلۋدٸ تاپسىرعان بولاتىن. سول تاپسىرماعا سەيكەس بيىل بٸزگە 7,5 ملرد تەڭگە بٶلٸندٸ.
ەكٸمدٸك قىزمەتكەرلەرٸ 16 ەلدٸ مەكەننٸڭ بارلىعىن تالداپ, وندا 280 مىڭنان استام حالىق تۇراتىنىن انىقتادى.
ول بٸزدٸڭ قالا تۇرعىندارىنىڭ 25 پايىزىن قۇرايدى. ٷكٸمەتپەن بٸرگە وسى مەسەلەمەن اينالىسىپ جاتىرمىز. بٸزدە ەلوردانى دامىتۋدىڭ كەشەندٸ جوسپارى بار, كەشەندٸ جوسپار 5 جىلدىق. وندا ەڭ ٶزەكتٸ مەسەلەلەردٸڭ بەرٸ قامتىلعان, – دەدٸ قالا باسشىسى.
التاي كٶلگٸنوۆ نۇر-سۇلتان قالاسى ماڭىنداعى ەلدٸ مەكەندەردٸ دامىتۋ جوسپارى ٸسكە اسىرۋ بارىسىندا بارلىق ەلدٸ مەكەندەردٸ ارالاپ, تۇرعىندارمەن كەزدەسٸپتٸ.
– بٸز تۇرعىندارمەن كەزدەسۋدەن كەيٸن قالا ماڭىنداعى ەلدٸ مەكەندەردەگٸ مەسەلەلەردٸ 3 بلوكقا بٶلٸپ شەشۋدٸڭ ماڭىزى زور ەكەنٸنە كٶز جەتكٸزدٸك. بٸرٸنشٸسٸ – ينفراقۇرىلىمدىق مەسەلەلەر, ول ينجەنەرلٸك جەلٸلەر مەن جولدار. ەكٸنشٸسٸ – ەلەۋمەتتٸك نىساندار. ول بٸلٸم بەرۋ نىساندارى, مەكتەپ, بالاباقشا نەمەسە دەرٸگەرلٸك امبۋلاتورييا, سپورت نىساندارى. ٷشٸنشٸ بلوك – اباتتاندىرۋ. وعان تروتۋار, ساياباق, جارىقتاندىرۋ, ايالدامالار ياعني ادام ٶمٸرٸنٸڭ ساپاسىن ارتتىرۋعا باعىتتالعان ماڭىزدى سۇراقتار قامتىلعان. سونىڭ بەرٸن بلوكقا بٶلگەن كەزدە بٸرقاتار مەسەلەلەردٸ بٸز جوسپارعا بەكٸتتٸك. بٸرٸنشٸ كەزدەسۋدەن كەيٸن جيناعان سۇراقتاردىڭ جيىنتىعىن قاراپ, تالداپ شىققان كەزدە 270 ملرد تەڭگە قاجەت. بۇل مەسەلەلەردٸڭ بەرٸ بٸر جىلدا شەشٸلمەيدٸ. سوندىقتان بٸز تۇرعىندارعا ايتتىق «بٸرٸنشٸ كەزەكتە سٸزدەردٸ نە مازالايدى, سونى ايتىڭىزدار» دەپ. «بيۋدجەتتٸ حالىقپەن بٸرگە تالقىلايمىز» دەپ ايتىپ جاتىرمىز عوي, سولاي بٸز تۇرعىنداردىڭ سۇرانىسىن زەرتتەدٸك. ٷشجىلدىق بيۋدجەت جوسپارى بٷگٸن ٷكٸمەتتە بەكٸتٸلدٸ, – دەدٸ.
