الماتى وبلىسى بيىل مەملەكەتتٸك بيۋدجەتكە سالىقتار مەن باسقا دا مٸندەتتٸ تٶلەمدەردەن 1,5 ترلن تەڭگە تٷسٸرۋدٸ جوسپارلاپ وتىر, دەپ حابارلايدى Dala News.
بۇل – ٶڭٸر تاريحىنداعى ەڭ جوعارى كٶرسەتكٸش. بىلتىر وبلىس العاش رەت مەملەكەتتٸك بيۋدجەتكە 1,1 ترلن تەڭگەدەن استام تٷسٸم قامتاماسىز ەتتٸ. ونىڭ ٸشٸندە رەسپۋبليكالىق بيۋدجەتكە 490,5 ملرد تەڭگە, جەرگٸلٸكتٸ بيۋدجەتكە 628,6 ملرد تەڭگە تٷسكەن.
سالىق تٷسٸمدەرٸنٸڭ تۇراقتى ٶسۋٸ ٶڭٸر ەكونوميكاسىنىڭ دا قارقىندى دامىپ كەلە جاتقانىن كٶرسەتەدٸ. سونىڭ بٸر كٶرٸنٸسٸ – وبلىستىق بيۋدجەتكە قارجى اۋداراتىن دونور اۋماقتار سانىنىڭ ارتۋى.
الماتى وبلىسى قايتا قۇرىلعانعا دەيٸن ٸلە جەنە قاراساي اۋداندارى عانا دونور بولسا, قازٸر ولاردىڭ قاتارىنا تالعار, ەڭبەكشٸقازاق جەنە جامبىل اۋداندارى, سونداي-اق قوناەۆ پەن الاتاۋ قالالارى قوسىلدى. وسىلايشا وبلىستاعى دونور اۋماقتار سانى 2-دەن 7-گە جەتتٸ.
دونور اۋماقتاردىڭ كٶبەيۋٸنە جاڭا ٶندٸرٸستەردٸڭ ٸسكە قوسىلۋى, ينۆەستيتسييا كٶلەمٸنٸڭ ارتۋى جەنە كەسٸپكەرلٸكتٸڭ دامۋى ەسەر ەتكەن. سوڭعى جىلدارى وبلىستا KT&G, PepsiCo, تەحنونيكول جەنە «جەتٸسۋ ۆولفرامدارى» سيياقتى ٸرٸ كومپانييالاردىڭ جاڭا ٶندٸرٸستٸك جوبالارى ٸسكە قوسىلدى.
سونداي-اق ٸلە اۋدانىندا فمك مەن JTI كەسٸپورىندارىنىڭ ٶندٸرٸستٸك قۋاتتارىن كەڭەيتۋٸ سالىق تٷسٸمدەرٸنٸڭ ٶسۋٸنە ىقپال ەتكەن.
الماتى وبلىسىنىڭ ەكونوميكا جەنە بيۋدجەتتٸك جوسپارلاۋ باسقارماسىنىڭ باسشىسى اسىلان ورازدىڭ ايتۋىنشا, دونور اۋدانداردىڭ سانى عانا ەمەس, ولاردىڭ وبلىستىق بيۋدجەتكە اۋداراتىن قاراجاتى دا كٶبەيٸپ كەلەدٸ.
«2024 جىلى دونور اۋدانداردان وبلىستىق بيۋدجەتكە 276,5 ملرد تەڭگە تٷستٸ. 2025 جىلى بۇل كٶرسەتكٸش 292,5 ملرد تەڭگەگە جەتتٸ. ال 2026 جىلدىڭ العاشقى التى ايىندا 241,9 ملرد تەڭگە تٷستٸ. بيىلعى جىلدىق جوسپار – 542,6 ملرد تەڭگە. ەڭ كٶپ تٷسٸم تٷسٸرەتٸن اۋدان – ٸلە اۋدانى. بىلتىر اۋدان وبلىستىق بيۋدجەتكە 249,3 ملرد تەڭگە اۋدارسا, بيىلعى جىلدىڭ بٸرٸنشٸ جارتىجىلدىعىندا 165,2 ملرد تەڭگە تٷستٸ. بۇل وبلىستىق بيۋدجەت كٸرٸستەرٸنٸڭ 42,4 پايىزىن قۇرايدى», – دەدٸ اسىلان وراز.
سالىق تٷسٸمدەرٸنٸڭ قازٸرگٸ ٶسٸم قارقىنى ساقتالسا, الماتى وبلىسى 2029 جىلعا قاراي رەسپۋبليكالىق بيۋدجەتكە قارجى اۋداراتىن دونور ٶڭٸر مەرتەبەسٸن الۋى مٷمكٸن.
