بيزنەستى قولداۋ جاڭا قازاقستانداعى باسىم باعىتتاردىڭ ءبىرى. بۇل رەتتە «دامۋ» قورى ايماقتىق كاسىپ­ورىنداردىڭ قىز­مەتىن جانداندىرۋعا ماڭىز بەرىپ كەلە­ءدى.

ءوز كەزەگىندە الماتىلىق كاسىپكەرلەر بيىل جىلدىڭ 10 ايىندا قور تاراپىنان جالپى كولەمى 63 ملرد تەڭگە كولەمىندە كومەك العان.

ءوز كاسىبىن ورگە دوڭگەلەتكىسى كەلەتىندەر ءۇشىن قارجىلىق تاپشىلىق باستى كەدەرگى. «دامۋ» قورى جەڭىلدىكپەن نەسيەلەۋ، سىياقى مولشەرلەمەسىن سۋبسيديالاۋ، كرەديتتەرگە كەپىلدىك بەرۋ سەكىلدى ءۇش باعىتتا قول­داۋ كورسەتەدى. قور تاراپىنان قولداۋ تاپقان­داردىڭ ءبىرى – كاسىپكەر مەيىربەك ەسىمبەكوۆ.

2016 جىلى قوردىڭ كومەگىمەن ءوندىرىس ورنىن اشقان ول قانشاما ازاماتتى جۇمىسپەن قامتىپ وتىر.

«بيزنەستى قولداۋ ەل ەكونوميكا­سىن دامى­تۋ­دىڭ توتە جولى. مۇنى پرەزي­دەنتىمىز دە ءار جولداۋىندا ايتىپ كەلەدى. «دامۋ» قورى ءدال كەرەك ۋاقىتىندا بىزگە قاجەتتى قاراجاتتى ءبولدى. بۇل كاسىبى­ءمىزدى دامىتۋعا ۇلكەن كومەك بولدى. سونىمەن قاتار ءبىزدىڭ ەڭ كەرەكتى قۇرال-جابدىقتارىمىزدى تۇگەندەپ بەرىپ جاتىر. العاشقى ۋاقىتتا 200 ملن، بيىل لازەرلىك قوندىرعى ءۇشىن 30 ملن تەڭگە الدىق»، دەدى م.ەسىمبەكوۆ.

قارجىلاي كومەك الىپ قارقىندى جۇمىس ىستەپ جاتقانداردىڭ قاتارىندا داڭقتى زىلتەمىرشى ماييا مانەزا دا بار.  

ينەمەن ەمدەۋ، حيجاما، ماسساج ورتالىعىن اشقان سپورتشىنىڭ قول استىندا 5 جىلدان بەرى 10 ازامات جۇمىس ىستەيدى.



«دامۋ» قورى جىل سايىن وڭىرلەردە مەملەكەت تاراپىنان قولداۋ الىپ ءىسىن ىلگەرىلەتىپ جاتقان كاسىپورىنداردىڭ جۇمىسىمەن تانىسىپ وتىرادى. ەل ەكونوميكاسىنىڭ كۇرەتامىرى سانالاتىن الماتىدا قور كومەگىنە جۇگىنەتىندەر كوپ. بۇگىندە مەملەكەت قولداۋىنا يە بولىپ، ونىڭ ىشىندە نەسيەنىڭ ءبىر بولىگىن سۋبسيديا ارقىلى، ەكىنشىدەن ءىشىنارا كەپىلدەندىرۋ ارقىلى، ۇشىنشىدەن جەڭىلدەتىلگەن نەسيە ارقىلى 1700-گە جۋىق كاسىپورىن جالپى سوماسى 80 ملرد تەڭگەگە دەيىن قولداۋ الىپ ءوز جۇمىسىن جانداندىرۋدا. ولاردىڭ ىشىندە وتاندىق ونىمدەردىڭ ءورىسىن كەڭەيتىپ جۇرگەندەر از ەمەس»، دەيدى «دامۋ» كاسىپكەرلىكتى دامىتۋ قورى» اق-نىڭ الماتى قالاسى بويىنشا ايماقتىق فيليالىنىڭ ديرەكتورى جاندوس باقىتبەك ۇلى.

جۇمىسسىزدىق – ەلىمىزدەگى وتكىر پروبلەمانىڭ ءبىرى. بۇل اسىرەسە كۇن ساناپ حالىق سانى ەسەلەپ ءوسىپ جاتقان الىپ مەگاپوليس ءۇشىن باستى ماسەلەگە اينالعان.

ەڭبەك نارىعىنداعى جاعداي تۇراقتالىپ كەلەدى دەسەك تە، قالاداعى جۇمىسسىزدىق دەڭگەيى 5،1%-دى قۇراپ وتىر. شاھار بيلىگى جىل باسىنان بەرى 17،1 مىڭ جۇمىس ورنى، ونىڭ ىشىندە 7،3 مىڭ تۇراقتى جۇمىس ورنى قۇرىلعانىن مالىمدەدى. وسى رەتتە بيزنەستى قولداۋعا باعىتتالعان جوبالار دا جۇمىسسىزدىق ماسەلەسىن ازايتۋعا وڭ ىقپالىن تيگىزىپ وتىر.