الماتىدا ەرتەڭ سيرەنا قوسىلادى، دەپ حابارلايدى Dalanews.kz.
25 اقپاندا ساعات 11:00-دە "كوكتەم 2026" رەسپۋبليكالىق وقۋ-جاتتىعۋى اياسىندا حالىقتى قۇلاقتاندىرۋ جۇيەسىنە تەحنيكالىق تەكسەرىس جۇرگىزىلەدى.
تەكسەرىس بارىسىندا "بارلىعىڭىزدىڭ نازارىڭىزعا!" دابىل سيگنالى بويىنشا قالا اۋماعىندا سيرەنالار از ۋاقىتقا قوسىلادى.
"بۇل - جوسپارلى وقۋ-جاتتىعۋ. "بارلىعىڭىزدىڭ نازارىڭىزعا!" سيگنالى - توتەنشە جاعداي ءقاۋپى تونگەن نەمەسە تۋىنداعان كەزدە شۇعىل اقپارات تاراتار الدىندا حالىقتىڭ نازارىن اۋدارۋ ءۇشىن بەرىلەتىن ەسكەرتۋ بەلگىسى"، - دەپ جازىلعان اكىمدىك حابارلاماسىندا.
سيگنالدى ەستىگەن جاعدايدا:
- تەلەديداردى نەمەسە راديوقابىلداعىشتى قوسۋ؛
- رەسمي ينتەرنەت رەسۋرستار مەن ءموبيلدى قوسىمشالارداعى اقپاراتتى تەكسەرۋ؛
- بەرىلەتىن اقپاراتپەن جانە ودان ءارى ارەكەت ەتۋ جونىندەگى نۇسقاۋمەن مۇقيات تانىسۋ قاجەت.
25-26 اقپاندا الماتىدا "كوكتەم 2026" رەسپۋبليكالىق وقۋ-جاتتىعۋى وتەدى. وقۋ-جاتتىعۋ اياسىندا قالانىڭ ءار اۋدانىندا وزەن ارنالارى مەن ارىق جۇيەلەرىن تازارتۋ بويىنشا پروفيلاكتيكالىق ءىس-شارالار جۇرگىزىلەدى.
