الماتىنىڭ شەتٸندە دەمالىس كٷندەرٸ ٸرٸ كوممۋنالدىق اپات بولدى. تٷندە جىلۋ قۇبىرى جارىلىپ, قايناعان سۋ جەكەمەنشٸك سەكتورعا جايىلعان. ىستىق سۋ اۋلالاردى باسىپ, تۇرعىن ٷيلەردٸڭ ٸشٸنە دەيٸن كٸرگەن, دەپ حابارلايدى Dalanews.kz "كتك" تەلەارناسىنا سٸلتەپ.
سالدارىنان تٶرت ادامدى كٷيٸك شالعان, ولاردىڭ ٷشەۋٸ اۋرۋحاناعا جاتقىزىلعان. قۇتقارۋ قىزمەتٸنٸڭ ماماندارى تۇرعىنداردى ەۆاكۋاتسييالاعان, ٶيتكەنٸ عيماراتتاردىڭ قۇلاۋ قاۋپٸ تۋىنداعان. سۋ ٸرگەتاستى شايىپ, قابىرعالاردا جارىقتار پايدا بولعان.
تۇرعىنداردىڭ ايتۋىنشا, ولار تٷن ٸشٸندە قاتتى شۋدان ويانعان. ولار قارتتار مەن بالالاردى قۇتقارۋ ٷشٸن ىستىق سۋدىڭ اراسىمەن شىعۋعا مەجبٷر بولعان. كەيبٸرٸنٸڭ اياعى كٷيٸپ قالعان.
جەرگٸلٸكتٸ حالىق مۇنداي جاعداي كەيٸنگٸ جىلدارى ەكٸنشٸ رەت قايتالانىپ وتىرعانىن ايتادى. ولاردىڭ سٶزٸنشە, 2020 جىلى قۇبىرلار ٸشٸنارا عانا اۋىستىرىلعان, ال توزىعى جەتكەن جەلٸلەر ەلٸ دە ٸستەن شىعىپ جاتىر.
"الماتى جىلۋ جەلٸلەرٸ" جشس مەلٸمەتٸنشە, ديامەترٸ 800 مم قۇبىر زاقىمدانعان. اپات وشاعى وقشاۋلانىپ, جٶندەۋ جۇمىستارى شامامەن بەس ساعاتقا سوزىلعان. كومپانييا ٶكٸلدەرٸ ٷيلەردٸ ارالاپ, كەلگەن شىعىندى تٸركەگەن. قازٸر زالال كٶلەمٸ باعالانىپ جاتىر, كەيٸن ٶتەماقى مٶلشەرٸ انىقتالادى.
الايدا تۇرعىندار اپات قايتالانۋىنان قاۋٸپتەنٸپ, 55 جىلدان اسا ۋاقىت پايدالانىلعان جىلۋ جەلٸلەرٸن تولىق اۋىستىرۋدى تالاپ ەتٸپ وتىر.
