رەسەيدٸڭ فەدەرالدىق قاۋٸپسٸزدٸك قىزمەتٸ Telegram نەگٸزٸن قالاۋشى پاۆەل دۋروۆقا قاتىستى تەكسەرۋ جٷرگٸزٸپ جاتىر. بۇل تۋرالى "روسسييسكايا گازەتا" فقق ماتەريالدارىنا سٷيەنٸپ جازعان, دەپ حابارلايدى Dalanews.kz.
باسىلىمنىڭ مەلٸمەتٸنشە, تەكسەرۋ رەسەي قىلمىستىق كودەكسٸنٸڭ 205.1-بابىنىڭ 1.1-بٶلٸگٸ - تەرروريستٸك قىزمەتكە جەردەمدەسۋ كٷدٸگٸ بويىنشا قوزعالعان قىلمىستىق ٸس اياسىندا ٶتٸپ جاتىر.
ماتەريالدا 2022 جىلدان بەرٸ Telegram قولدانىلعان قىلمىستار سانى 153 مىڭنان اسقانى ايتىلعان. سونىڭ شامامەن 33 مىڭى ديۆەرسييالىق-تەرروريستٸك جەنە ەكسترەميستٸك ەرەكەتتەرمەن بايلانىستى دەپ كٶرسەتٸلەدٸ. ولاردىڭ ٸشٸندە جارىلىس ۇيىمداستىرۋ, ٶرت قويۋ جەنە شابۋىل جاساۋ فاكتٸلەرٸ بار.
سونداي-اق فقق وسى كەزەڭدە مەسسەندجەر ارقىلى دايىندالعان 475 تەراكتٸنٸڭ الدىن العانىن مەلٸمدەگەن. بۇدان بٶلەك, "كروكۋس سيتي حوللداعى" تەراكتٸنٸ ۇيىمداستىرعاندار دا ەرەكەتتەرٸن Telegram ارقىلى ٷيلەستٸرگەنٸ اتالىپ ٶتكەن.
باسىلىمنىڭ جازۋىنشا, رەسەيلٸك ەسكەري تٸلشٸلەر مەن ەسكەري قىزمەتكەرلەرگە قارسى قاستاندىق دايىنداعان تۇلعالار ىقتيمال قۇربانداردىڭ تۋىستارى, جٷرٸپ-تۇرۋ باعىتتارى مەن كٷن تەرتٸبٸ تۋرالى مەلٸمەت جيناۋدا دا سەرۆيس مٷمكٸندٸكتەرٸن پايدالانعان.
سونىمەن بٸرگە ماقالادا Telegram كومانداسى روسكومنادزوردىڭ زاڭسىز كونتەنتتٸ جويۋ تۋرالى 150 مىڭنان استام تالابىنا جاۋاپ بەرمەگەنٸ تۋرالى ۋەج كەلتٸرٸلگەن.
بۇعان دەيٸن رەسەيلٸك ەسكەري ساراپشى پاۆەل دۋروۆتى كيەۆكە كەيبٸر قۇپييا دەرەكتەردٸڭ جەتۋٸنە قاتىسى بولۋى مٷمكٸن دەپ ايىپتاعانى دا ايتىلدى.
