الماتىدا كوروناۆيرۋستان بٸر ايلىق نەرەستە كٶز جۇمدى
"بۇدان بٸر اي بۇرىن قالامىزدا بٸر ايلىق بالا كوروناۆيرۋستان قايتتى. ٶكٸنٸشكە وراي, ونىڭ ٶمٸرٸن ساقتاپ قالا المادىق", – دەدٸ باسقارما باسشىسى.
ونىڭ اتاپ ٶتكەنٸندەي, قازٸرگٸ كٷنٸ كوروناۆيرۋس جۇقتىرعان 195 بالا اۋرۋحانادا ەم-دوم قابىلداپ جاتىر.
"ەلٸمٸزدە, سونىڭ ٸشٸندە الماتىدا كوروناۆيرۋس جۇقتىرعان بالا سانى ارتىپ كەلەدٸ. قازٸر 195 ناۋقاس بالا اۋرۋحانادا جاتىر. 2500 بالا ٷيدەن ەم الۋدا. ەكٸ بالا جانساقتاۋ بٶلٸمٸندە", - دەدٸ ناريمان تابىنباەۆ.
ايتا كەتەلٸك, الماتىدا كوروناۆيرۋس بويىنشا ەپيدەميولوگييالىق جاعداي ەلٸ دە كٷردەلٸ. تەۋلٸگٸنە 1500- دەن اسا جاعداي تۇراقتى تٸركەلٸپ وتىر. بۇل جاعداي 28 شٸلدەدەن باستاپ جالعاسىپ كەلەدٸ. تامىز ايىنان بٷگٸنگٸ كٷنگە دەيٸن 24,3 مىڭ جاعداي, جىل باسىنان بەرٸ 105,6 مىڭ جاعداي تٸركەلگەن.
