"Бұдан бір ай бұрын қаламызда бір айлық бала коронавирустан қайтты. Өкінішке орай, оның өмірін сақтап қала алмадық", – деді басқарма басшысы.
Оның атап өткеніндей, қазіргі күні коронавирус жұқтырған 195 бала ауруханада ем-дом қабылдап жатыр.
"Елімізде, соның ішінде Алматыда коронавирус жұқтырған бала саны артып келеді. Қазір 195 науқас бала ауруханада жатыр. 2500 бала үйден ем алуда. Екі бала жансақтау бөлімінде", - деді Нариман Табынбаев.
Айта кетелік, Алматыда коронавирус бойынша эпидемиологиялық жағдай әлі де күрделі. Тәулігіне 1500- ден аса жағдай тұрақты тіркеліп отыр. Бұл жағдай 28 шілдеден бастап жалғасып келеді. Тамыз айынан бүгінгі күнге дейін 24,3 мың жағдай, жыл басынан бері 105,6 мың жағдай тіркелген.
