Almatyda koronavirýstan bir ailyq náreste kóz jumdy
"Budan bir ai buryn qalamyzda bir ailyq bala koronavirýstan qaitty. Ókinishke orai, onyń ómirin saqtap qala almadyq", – dedi basqarma basshysy.
Onyń atap ótkenindei, qazirgi kúni koronavirýs juqtyrǵan 195 bala aýrýhanada em-dom qabyldap jatyr.
"Elimizde, sonyń ishinde Almatyda koronavirýs juqtyrǵan bala sany artyp keledi. Qazir 195 naýqas bala aýrýhanada jatyr. 2500 bala úiden em alýda. Eki bala jansaqtaý bóliminde", - dedi Nariman Tabynbaev.
Aita ketelik, Almatyda koronavirýs boiynsha epidemiologiialyq jaǵdai áli de kúrdeli. Táýligine 1500- den asa jaǵdai turaqty tirkelip otyr. Bul jaǵdai 28 shildeden bastap jalǵasyp keledi. Tamyz aiynan búgingi kúnge deiin 24,3 myń jaǵdai, jyl basynan beri 105,6 myń jaǵdai tirkelgen.
