الماتىدا ۇلتتىق قاۋىپسىزدىك كوميتەتى مەن قالالىق پوليسيا دەپارتامەنتىنىڭ بىرلەسكەن ارنايى وپەراسياسى بارىسىندا اۋىر قىلمىسقا قاتىسى بار ەكى ادام ۇستالدى، دەپ حابارلايدى Dalanews.kz.
تەرگەۋ مالىمەتىنشە، بۇل ازاماتتار 2025 جىلدىڭ مامىر ايىندا وسكەمەن تۇرعىنىن ۇرلاپ، ءولتىرۋ ىسىنە قاتىسى بار دەگەن كۇدىككە ىلىنگەن. كۇدىكتىلەر 2025 جىلدىڭ ماۋسىم ايىنان بەرى ىزدەۋدە جۇرگەن.
قۇقىق قورعاۋ ورگاندارىنىڭ حابارلاۋىنشا، ۇستالعاندار ءقازىر ۋاقىتشا ۇستاۋ يزولياتورىنا قامالدى. سوت ولاردىڭ ەكەۋىنە دە ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسىن سانكسيالادى.
سونىمەن قاتار، ىزدەۋدەگى تۇلعالاردى ادەيى جاسىرعان الماتى تۇرعىنىنا قاتىستى دا قىلمىستىق جاۋاپكەرشىلىك ماسەلەسى قاراستىرىلىپ جاتىر.
قىلمىستىق-پروسەستىك كودەكستىڭ 201-بابى 1-بولىگىنە سايكەس، تەرگەۋ مۇددەسىنە بايلانىستى وزگە مالىمەتتەر جاريالانبايدى.
