بيىلعى 1 قاراشاداعى جاعداي بويىنشا ولاردىڭ سانى 1 732 696 سۋبەكتىنى قۇراپ وتىر.
ونىڭ جالپى سانىنداعى جەكە كاسىپكەرلەر ۇلەسى – 67،3%، شاعىن كاسىپكەرلىكتەگى زاڭدى تۇلعالار – 19%، شارۋا نەمەسە فەرمەر قوجالىقتارى – 13،5%، ورتا كاسىپكەرلىكتەگى زاڭدى تۇلعالار ۇلەسى – 0،2%.
تىركەلگەن شوك سۋبەكتىلەرىنىڭ سانى بويىنشا الماتى كوش باستادى. بيزنەس ورتالىق رەتىندە تانىلعان شاھاردا 343 مىڭ كاسىپكەرلىك بار، ونىڭ 277 مىڭى تۇراقتى جۇمىس ىستەپ تۇر.
شاھار باسشىسى ەربولات دوسايەۆتىڭ اتاپ وتكەنىندەي ۇلتتىق ەكونوميكانىڭ بەستەن ءبىرىن، مەملەكەتتىك بيۋدجەت كىرىسىنىڭ تورتتەن ءبىرىن، سونىمەن قاتار قازاقستانداعى ساۋدا وپەراسيالارىنىڭ 35 پايىزدان استامى الماتى قالاسىنا تيەسىلى.
"الماتى قالاسىن بيزنەس پەن كاپيتالدىڭ ورتالىعى دەپ تەگىن ايتپاسا كەرەك. قالاداعى شاعىن جانە ورتا بيزنەس وكىلدەرى شاھار ەكونوميكاسىنىڭ 47،5 پايىزىن قامتىپ وتىر، وعان قوسا الماتىلىقتاردى تۇراقتى جۇمىس كوزىمەن قامتۋ ءىسىنىڭ 65 پايىزى دا وسى شاعىن جانە ورتا بيزنەس وكىلدەرىنىڭ ەڭبەگى. جۇمىس بەرۋشى ورىننىڭ 65 پايىزى كاسىپكەرلەر دەگەن ءسوز"، – دەگەن ەدى ەربولات دوسايەۆ.
الماتىدان كەيىنگى ۇزدىك ۇشتىكتە استانا (224 مىڭ سۋبەكت، 196 مىڭى جۇمىس ىستەيدى) جانە تۇركىستان وبلىسى (178 مىڭ سۋبەكت، 175 مىڭى جۇمىس ىستەيدى) تۇر.
"ەكونوميكالىق قىزمەت تۇرلەرى بويىنشا جۇمىس ىستەپ تۇرعان سۋبەكتىلەر اراسىندا 601 مىڭى كوتەرمە جانە بولشەك ساۋدامەن، اۆتوموبيلدەردى جوندەۋمەن اينالىسادى.
ال، 269 مىڭ سۋبەكت اۋىل، ورمان جانە بالىق شارۋاشىلىعى سالاسىندا جۇمىس ىستەسە، قۇرىلىس سالاسىندا 92 مىڭ سۋبەكت بار. شوك سۋبەكتىلەرى سانىنىڭ ۇلەسى ەلەكتر ەنەرگياسى، گاز جانە بۋمەن جابدىقتاۋ سەكتورىندا از (1 769)"، - دەلىنگەن حابارلامادا.
