Biylǵy 1 qarashadaǵy jaǵdai boiynsha olardyń sany 1 732 696 sýbektini qurap otyr.
Onyń jalpy sanyndaǵy jeke kásipkerler úlesi – 67,3%, shaǵyn kásipkerliktegi zańdy tulǵalar – 19%, sharýa nemese fermer qojalyqtary – 13,5%, orta kásipkerliktegi zańdy tulǵalar úlesi – 0,2%.
Tirkelgen ShOK sýbektileriniń sany boiynsha Almaty kósh bastady. Biznes ortalyq retinde tanylǵan shaharda 343 myń kásipkerlik bar, onyń 277 myńy turaqty jumys istep tur.
Shahar basshysy Erbolat Dosaevtyń atap ótkenindei ulttyq ekonomikanyń besten birin, memlekettik biýdjet kirisiniń tórtten birin, sonymen qatar Qazaqstandaǵy saýda operatsiialarynyń 35 paiyzdan astamy Almaty qalasyna tiesili.
"Almaty qalasyn biznes pen kapitaldyń ortalyǵy dep tegin aitpasa kerek. Qaladaǵy shaǵyn jáne orta biznes ókilderi shahar ekonomikasynyń 47,5 paiyzyn qamtyp otyr, oǵan qosa almatylyqtardy turaqty jumys kózimen qamtý isiniń 65 paiyzy da osy shaǵyn jáne orta biznes ókilderiniń eńbegi. Jumys berýshi orynnyń 65 paiyzy kásipkerler degen sóz", – degen edi Erbolat Dosaev.
Almatydan keiingi úzdik úshtikte Astana (224 myń sýbekt, 196 myńy jumys isteidi) jáne Túrkistan oblysy (178 myń sýbekt, 175 myńy jumys isteidi) tur.
"Ekonomikalyq qyzmet túrleri boiynsha jumys istep turǵan sýbektiler arasynda 601 myńy kóterme jáne bólshek saýdamen, avtomobilderdi jóndeýmen ainalysady.
Al, 269 myń sýbekt aýyl, orman jáne balyq sharýashylyǵy salasynda jumys istese, qurylys salasynda 92 myń sýbekt bar. ShOK sýbektileri sanynyń úlesi elektr energiiasy, gaz jáne býmen jabdyqtaý sektorynda az (1 769)", - delingen habarlamada.
