الەۋمەتتىك جەلىلەردە الماتى قالاسىنىڭ «كاسپيي» تۇرعىن ءۇي كەشەنىندە ءبىر توپ ەر ازامات كۇزەتشىگە جانە تۇرعىنداردىڭ بىرىنە شابۋىل جاساعانى جونىندە اقپارات پايدا بولدى. وقيعاعا قاتىستى ۆيدەو Instagram-دا جاريالانعان. وقيعانى قالا پوليسياسىنىڭ باسپا ءسوز قىزمەتى ءتۇسىندىردى، دەپ حابارلايدى Dalanews.kz.
Instagram پابليكتەرىندە جازىلعانداي، توبەلەس 5 قاراشا كۇنى بولعان. بولجام بويىنشا، وعان 12 ادام قاتىسقان.
«بۇزاقىلىق فاكتىسى بويىنشا الاتاۋ اۋداندىق پوليسيا باسقارماسى قىلمىستىق ءىس قوزعادى. وقيعاعا قاتىسقان التى ادامنىڭ بارلىعى انىقتالىپ، ۇستالىپ، ۋاقىتشا ۇستاۋ يزولياتورىنا قامالدى»، – دەپ حابارلادى پوليسيا وكىلدەرى.
تەرگەۋ جۇرگىزىلىپ جاتقانى ناقتىلاندى. سونداي-اق، پوليسيا قالا تۇرعىندارىن كيكىلجىڭدەردى زاڭدى جولمەن شەشۋگە جانە قوعامدىق ءتارتىپتى بۇزباۋعا شاقىردى.
