قازاقستاندىقتار دەپرەسسيا كەزىندە جۇمىسقا شىقپاسا بولا ما؟ Tengrinews.kz ساۋالىنا دەنساۋلىق ساقتاۋ مينيسترلىگى جاۋاپ بەردى، دەپ حابارلايدى Dalanews.kz.
ۆەدومستۆو مالىمەتىنشە، دەپرەسسيا دياگنوزىن پسيحياتر دارىگەر قويادى.
"العاشقى بەلگىلەردى جالپى پراكتيكا دارىگەرى نەمەسە پسيحولوگ انىقتاي الادى، ءبىراق ناقتى دياگنوز قويۋ، ەم تاعايىنداۋ جانە ناۋقاستى باقىلاۋ جۇمىستارىن پسيحياتر دارىگەر جۇرگىزەدى"، – دەپ ءتۇسىندىردى مينيسترلىك وكىلى.
دەپرەسسيا كەزىندە ەڭبەككە ۋاقىتشا جارامسىزدىق پاراعىن راسىمدەۋگە بولادى. ءبىراق بەلگىلى ءبىر جاعدايلارعا بايلانىستى عانا.
"ەگەر دارىگەر ناۋقاستىڭ جاعدايى ۋاقىتشا ەڭبەككە قابىلەتتىلىگىن شەكتەيدى دەپ ەسەپتەسە، جەڭىل دارەجەدەگى دەپرەسسيا كەزىندە دە ۋاقىتشا ەڭبەككە جارامسىزدىق پاراعى اشىلۋى مۇمكىن"، – دەدى مينيسترلىكتىڭ باسپا ءسوز قىزمەتى وكىلى.
ال ورتا جانە اۋىر دارەجەدەگى دەپرەسسيا كەزىندە دەنساۋلىق ساقتاۋ مينيسترلىگىنىڭ ستاندارتتارىنا سايكەس ستاسيونارلىق جاعدايدا ەمدەلۋ ۇسىنىلادى.
