Qazaqstandyqtar depressiia kezinde jumysqa shyqpasa bola ma? Tengrinews.kz saýalyna Densaýlyq saqtaý ministrligi jaýap berdi, dep habarlaidy Dalanews.kz.
Vedomstvo málimetinshe, depressiia diagnozyn psihiatr dáriger qoiady.
"Alǵashqy belgilerdi jalpy praktika dárigeri nemese psiholog anyqtai alady, biraq naqty diagnoz qoiý, em taǵaiyndaý jáne naýqasty baqylaý jumystaryn psihiatr dáriger júrgizedi", – dep túsindirdi ministrlik ókili.
Depressiia kezinde eńbekke ýaqytsha jaramsyzdyq paraǵyn rásimdeýge bolady. Biraq belgili bir jaǵdailarǵa bailanysty ǵana.
"Eger dáriger naýqastyń jaǵdaiy ýaqytsha eńbekke qabilettiligin shekteidi dep eseptese, jeńil dárejedegi depressiia kezinde de ýaqytsha eńbekke jaramsyzdyq paraǵy ashylýy múmkin", – dedi ministrliktiń baspasóz qyzmeti ókili.
Al orta jáne aýyr dárejedegi depressiia kezinde Densaýlyq saqtaý ministrliginiń standarttaryna sáikes statsionarlyq jaǵdaida emdelý usynylady.
