قازاقستان 2035 جىلعا دەيٸن ترانزيتتٸك تاسىمال كٶلەمٸن جىلىنا 100 ملن تونناعا جەتكٸزۋدٸ كٶزدەپ وتىر. بۇل ماقساتقا جەتۋ ٷشٸن ەلدەگٸ كٶلٸك ينفراقۇرىلىمىن دامىتۋ, حالىقارالىق دەلٸزدەردٸڭ ٶتكٸزۋ قابٸلەتٸن ارتتىرۋ جەنە لوگيستيكا سالاسىن تسيفرلاندىرۋ جۇمىستارى جالعاسادى, دەپ حابارلايدى dalanews.kz.
سوڭعى جىلدارداعى كٶرسەتكٸشتەر بۇل باعىتتا ٸلگەرٸلەۋ بار ەكەنٸن كٶرسەتەدٸ. سوڭعى جەتٸ جىلدا 36,3 مىڭ شاقىرىم اۆتوموبيل جولى سالىنىپ, جٶندەلگەن. ال بەس جىلدا 5 مىڭ شاقىرىم تەمٸرجول سالىندى جەنە جاڭعىرتىلدى.
2025 جىلى قازاقستان ارقىلى ٶتەتٸن ترانزيتتٸك جٷك كٶلەمٸ 18 پايىزعا ٶسٸپ, 39,1 ملن تونناعا جەتكەن. بيىلعى توعىز ايدا كٶلٸك سالاسىنىڭ ٶسٸمٸ 7,2 پايىزدى, ال ترانزيتتٸك جٷك كٶلەمٸنٸڭ ٶسٸمٸ 13,1 پايىزدى قۇراعان.
تەڭٸز پورتتارىنىڭ مٷمكٸندٸگٸ ارتادى
ترانزيتتٸك تاسىمال كٶلەمٸن ۇلعايتۋ ٷشٸن قازاقستان كٶلٸك ينفراقۇرىلىمىن ودان ەرٸ دامىتۋدى جوسپارلاپ وتىر. 2035 جىلعا قاراي تەڭٸز پورتتارىنىڭ ٶتكٸزۋ قابٸلەتٸن تٶرت ەسە ارتتىرىپ, فلوتتىڭ قۋاتىن بەس ەسە كٶبەيتۋ كٶزدەلگەن.
سونىمەن قاتار «شىعىس – باتىس», «سولتٷستٸك – وڭتٷستٸك» حالىقارالىق كٶلٸك دەلٸزدەرٸ مەن ترانسكاسپيي حالىقارالىق كٶلٸك باعىتىن دامىتۋعا باسىمدىق بەرٸلمەك.
بۇل رەتتە ينفراقۇرىلىم سالۋمەن قاتار, لوگيستيكالىق پروتسەستەردٸ تسيفرلاندىرۋ, شەكارادان ٶتۋ رەسٸمدەرٸن جەڭٸلدەتۋ جەنە جٷكتٸ جەتكٸزۋ ۋاقىتىن قىسقارتۋ ماڭىزدى. نەگٸزگٸ ماقسات – قازاقستانعا كەلەتٸن, ودان شىعاتىن جەنە ەل اۋماعى ارقىلى ٶتەتٸن جٷكتەردٸڭ قوزعالىسىن جەدەلدەتۋ.
ترانزيت قازاقستان ەكونوميكاسىنا نە بەرەدٸ?
ترانزيتتٸك تاسىمالدان تٷسەتٸن پايدا تەك شەتەلدٸك جٷكتەردٸ تاسىمالداعانى ٷشٸن الىناتىن تٶلەممەن شەكتەلمەيدٸ. جٷك اعىنىنىڭ ارتۋى تەمٸرجول, تەڭٸز پورتتارى, لوگيستيكالىق كومپانييالار, قويمالار مەن سەرۆيستٸك كەسٸپورىنداردىڭ جۇمىسىنا دا سەرپٸن بەرەدٸ. بۇل ٶز كەزەگٸندە جاڭا جۇمىس ورىندارىنىڭ اشىلۋىنا, ينۆەستيتسييا تارتۋعا جەنە كٶلٸك دەلٸزدەرٸنٸڭ بويىندا ٶندٸرٸس ورىندارىنىڭ دامۋىنا مٷمكٸندٸك تۋعىزادى.
ەۋروپا مەن ازييانىڭ ٸرٸ نارىقتارىنىڭ اراسىنداعى گەوگرافييالىق ورنالاسۋىن تيٸمدٸ پايدالانۋ قازاقستانعا ترانزيتتٸك ەلەۋەتٸن ەكونوميكالىق ٶسٸمنٸڭ تۇراقتى كٶزٸنە اينالدىرۋعا جول اشادى.
2035 جىلعا قاراي ترانزيتتٸك تاسىمال كٶلەمٸن 100 ملن تونناعا جەتكٸزۋ جوسپارى ورىندالسا, قازاقستاننىڭ ەۋرازيياداعى ماڭىزدى كٶلٸك-لوگيستيكا ورتالىعى رەتٸندەگٸ ورنى نىعايىپ, ەل ەكونوميكاسىنا تٷسەتٸن پايدا دا ارتا تٷسۋٸ مٷمكٸن.
