"الماتى سۋ" قالا تۇرعىندارىن سۋ جەنە كەرٸز قىزمەتٸ ٷشٸن تٶلەمدٸ كەشٸكتٸرمەۋگە شاقىردى, دەپ حابارلايدى dalanews.kz.
الماتىدا تۇرعىنداردىڭ سۋمەن جابدىقتاۋ جەنە كەرٸز قىزمەتتەرٸ ٷشٸن جالپى بەرەشەگٸ 550 ملن تەڭگەدەن اسقان. قارىزدى ۋاقىتىندا ٶتەمەۋ ٶسٸمپۇل جينالۋىنا, تٸپتٸ سۋ بەرۋ توقتاتىلۋىنا ەكەپ سوعۋى مٷمكٸن.
كەسٸپورىن ۇسىنعان مەلٸمەتكە سەيكەس جالپى بەرەشەكتٸڭ 250 ميلليون تەڭگەگە جۋىعى كٶپقاباتتى ٷيلەردٸڭ تۇرعىندارىنا تيەسٸلٸ. ال جەكە سەكتورداعى تۇرعىنداردىڭ قارىزى 300 ميلليون تەڭگەدەن اسقان.
"الماتى سۋ" قىزمەتكەرلەرٸ تۇراقتى تٷردە رەيدتەر جٷرگٸزٸپ, بەرەشەگٸ بار تۇرعىنداردىڭ ٷيلەرٸنە بارادى. ولارعا قارىزدى ٶتەۋ قاجەت ەكەنٸ تۋرالى حابارلامالار تابىستاپ, تٶلەمدٸ كەشٸكتٸرۋدٸڭ قانداي سالدارى بولۋى مٷمكٸن ەكەنٸن تٷسٸندٸرەدٸ.
"الماتى سۋ" شجق مكك ٶكٸلدەرٸنٸڭ سٶزٸنشە, سۋ جەنە كەرٸز قىزمەتتەرٸ ٷشٸن تٶلەم شوتتارى اي سايىن كەلەسٸ ايدىڭ 15-ٸنە دەيٸن ۇسىنىلادى. تٶلەمدٸ سول ايدىڭ 25-ٸنە دەيٸن تٶلەۋ قاجەت. وسى مەرزٸمدە تٶلەم جاسالماسا, 26-سىنان باستاپ بەرەشەك مەرزٸمٸ ٶتكەن قارىز بولىپ ەسەپتەلٸپ, وعان ٶسٸمپۇل ەسەپتەلەدٸ. سونىڭ سالدارىنان قارىز سوماسى بٸرتٸندەپ ۇلعايا بەرەدٸ.
تۇرعىن بەرەشەگٸن ٶتەمەسە, كەسٸپورىن سۋ بەرۋدٸ شەكتەۋگە نەمەسە تولىق توقتاتۋعا قۇقىلى. مۇنداي شارا قولدانىلعانعا دەيٸن كٷنتٸزبەلٸك ٷش كٷن بۇرىن تۇتىنۋشىعا تيٸستٸ ەسكەرتۋ بەرٸلەدٸ. بۇل شارالار زاڭنامادا بەلگٸلەنگەن تەرتٸپپەن جٷزەگە اسىرىلادى. بەرەشەك ۇزاق ۋاقىت بويى ٶتەلمەسە, "الماتى سۋ" قارىزدى ٶندٸرٸپ الۋ ٷشٸن نوتاريۋسقا نەمەسە سوتقا جٷگٸنە الادى.
