Qazaqstan 2035 jylǵa deiin tranzittik tasymal kólemin jylyna 100 mln tonnaǵa jetkizýdi kózdep otyr. Bul maqsatqa jetý úshin eldegi kólik infraqurylymyn damytý, halyqaralyq dálizderdiń ótkizý qabiletin arttyrý jáne logistika salasyn tsifrlandyrý jumystary jalǵasady, dep habarlaidy dalanews.kz.
Sońǵy jyldardaǵy kórsetkishter bul baǵytta ilgerileý bar ekenin kórsetedi. Sońǵy jeti jylda 36,3 myń shaqyrym avtomobil joly salynyp, jóndelgen. Al bes jylda 5 myń shaqyrym temirjol salyndy jáne jańǵyrtyldy.
2025 jyly Qazaqstan arqyly ótetin tranzittik júk kólemi 18 paiyzǵa ósip, 39,1 mln tonnaǵa jetken. Biylǵy toǵyz aida kólik salasynyń ósimi 7,2 paiyzdy, al tranzittik júk kóleminiń ósimi 13,1 paiyzdy quraǵan.
Teńiz porttarynyń múmkindigi artady
Tranzittik tasymal kólemin ulǵaitý úshin Qazaqstan kólik infraqurylymyn odan ári damytýdy josparlap otyr. 2035 jylǵa qarai teńiz porttarynyń ótkizý qabiletin tórt ese arttyryp, flottyń qýatyn bes ese kóbeitý kózdelgen.
Sonymen qatar «Shyǵys – Batys», «Soltústik – Ońtústik» halyqaralyq kólik dálizderi men Transkaspii halyqaralyq kólik baǵytyn damytýǵa basymdyq berilmek.
Bul rette infraqurylym salýmen qatar, logistikalyq protsesterdi tsifrlandyrý, shekaradan ótý rásimderin jeńildetý jáne júkti jetkizý ýaqytyn qysqartý mańyzdy. Negizgi maqsat – Qazaqstanǵa keletin, odan shyǵatyn jáne el aýmaǵy arqyly ótetin júkterdiń qozǵalysyn jedeldetý.
Tranzit Qazaqstan ekonomikasyna ne beredi?
Tranzittik tasymaldan túsetin paida tek sheteldik júkterdi tasymaldaǵany úshin alynatyn tólemmen shektelmeidi. Júk aǵynynyń artýy temirjol, teńiz porttary, logistikalyq kompaniialar, qoimalar men servistik kásiporyndardyń jumysyna da serpin beredi. Bul óz kezeginde jańa jumys oryndarynyń ashylýyna, investitsiia tartýǵa jáne kólik dálizderiniń boiynda óndiris oryndarynyń damýyna múmkindik týǵyzady.
Eýropa men Aziianyń iri naryqtarynyń arasyndaǵy geografiialyq ornalasýyn tiimdi paidalaný Qazaqstanǵa tranzittik áleýetin ekonomikalyq ósimniń turaqty kózine ainaldyrýǵa jol ashady.
2035 jylǵa qarai tranzittik tasymal kólemin 100 mln tonnaǵa jetkizý jospary oryndalsa, Qazaqstannyń Eýraziiadaǵy mańyzdy kólik-logistika ortalyǵy retindegi orny nyǵaiyp, el ekonomikasyna túsetin paida da arta túsýi múmkin.
