مەملەكەتتىك اۋديتتەن كەيىن دەنساۋلىق ساقتاۋ مينيسترلىگىنىڭ جانە وعان قاراستى ۇيىمداردىڭ لاۋازىمدى تۇلعالارى جاۋاپكەرشىلىككە تارتىلدى، دەپ حابارلايدى Dalanews.kz.
دەنساۋلىق ساقتاۋ مينيسترلىگى مەن ونىڭ ۆەدومستۆولىق باعىنىستى ۇيىمدارىنىڭ ءبىرقاتار لاۋازىمدى تۇلعالارى مەملەكەتتىك اۋديت ناتيجەسىندە تارتىپتىك جاۋاپكەرشىلىككە تارتىلدى.
بيىل جوعارى اۋديتورلىق پالاتا دەنساۋلىق ساقتاۋ مينيسترلىگى مەن وعان قاراستى ۇيىمداردىڭ ازاماتتاردى جانە اۋرۋحانالاردى دارى-دارمەك پەن مەديسينالىق بۇيىمدارمەن قامتاماسىز ەتۋ جۇمىسىن تەكسەردى. انىقتالعان بۇزۋشىلىقتار مەن كەمشىلىكتەر نەگىزىندە جوعارى اۋديتورلىق پالاتا ءتيىستى لاۋازىمدى تۇلعالاردى جاۋاپكەرشىلىككە تارتۋدى تاپسىردى.
ناتيجەسىندە مىنا تۇلعالارعا ءتۇرلى تارتىپتىك جازالار قولدانىلدى:
ق ر دسم دارى-دارمەك ساياساتى دەپارتامەنتىنىڭ ديرەكتورى؛
ق ر دسم فارماسيەۆتيكالىق جانە مەديسينالىق ونەركاسىپتى دامىتۋ دەپارتامەنتىنىڭ ديرەكتورى؛
ق ر دسم عىلىم جانە ادامي رەسۋرستار دەپارتامەنتى ديرەكتورىنىڭ ورىنباسارى؛
«ينفەكسياعا قارسى پرەپاراتتاردىڭ عىلىمي ورتالىعىنىڭ» ديرەكتورى؛
«دارىلىك زاتتار مەن مەديسينالىق بۇيىمداردى ساراپتاۋ ۇلتتىق ورتالىعى» باس ديرەكتورىنىڭ ورىنباسارى؛
«ساليدات قايىربەكوۆا اتىنداعى ۇلتتىق عىلىمي دەنساۋلىق ساقتاۋدى دامىتۋ ورتالىعى» اق باسقارما ءتوراعاسىنىڭ ورىنباسارى.
سونداي-اق بيىل 3 شىلدەدەگى بۇيرىقپەن «سك-فارماسيا» ج ش س باسقارما ءتوراعاسىنىڭ وكىلەتتىگى مەرزىمىنەن بۇرىن توقتاتىلدى.
جۇرگىزىلگەن مەملەكەتتىك اۋديت قورىتىندىسى بويىنشا جوعارى اۋديتورلىق پالاتانىڭ باسقا دا ۇسىنىمدارى مەن تاپسىرمالارىن ورىنداۋ جۇمىستارى جالعاسۋدا.
