Memlekettik aýditten keiin Densaýlyq saqtaý ministrliginiń jáne oǵan qarasty uiymdardyń laýazymdy tulǵalary jaýapkershilikke tartyldy, dep habarlaidy Dalanews.kz.
Densaýlyq saqtaý ministrligi men onyń vedomstvolyq baǵynysty uiymdarynyń birqatar laýazymdy tulǵalary memlekettik aýdit nátijesinde tártiptik jaýapkershilikke tartyldy.
Biyl Joǵary aýditorlyq palata Densaýlyq saqtaý ministrligi men oǵan qarasty uiymdardyń azamattardy jáne aýrýhanalardy dári-dármek pen meditsinalyq buiymdarmen qamtamasyz etý jumysyn tekserdi. Anyqtalǵan buzýshylyqtar men kemshilikter negizinde Joǵary aýditorlyq palata tiisti laýazymdy tulǵalardy jaýapkershilikke tartýdy tapsyrdy.
Nátijesinde myna tulǵalarǵa túrli tártiptik jazalar qoldanyldy:
QR DSM Dári-dármek saiasaty departamentiniń direktory;
QR DSM Farmatsevtikalyq jáne meditsinalyq ónerkásipti damytý departamentiniń direktory;
QR DSM Ǵylym jáne adami resýrstar departamenti direktorynyń orynbasary;
«Infektsiiaǵa qarsy preparattardyń ǵylymi ortalyǵynyń» direktory;
«Dárilik zattar men meditsinalyq buiymdardy saraptaý ulttyq ortalyǵy» bas direktorynyń orynbasary;
«Salidat Qaiyrbekova atyndaǵy Ulttyq ǵylymi densaýlyq saqtaýdy damytý ortalyǵy» AQ basqarma tóraǵasynyń orynbasary.
Sondai-aq biyl 3 shildedegi buiryqpen «SK-Farmatsiia» JShS basqarma tóraǵasynyń ókilettigi merziminen buryn toqtatyldy.
Júrgizilgen memlekettik aýdit qorytyndysy boiynsha Joǵary aýditorlyq palatanyń basqa da usynymdary men tapsyrmalaryn oryndaý jumystary jalǵasýda.
