جەتٸسۋ ٶڭٸرٸنٸڭ ەكونوميكالىق ەل-اۋقاتىنىڭ ارتۋىنا ٷلەس قوساتىن بۇل كەسٸپورىن مايلى داقىلدار سويا, جٷگەرٸ, كٷنباعىس ٶڭدەپ, ٶسٸمدٸك مايىن شىعاراتىن بولادى.
ايماقتاعى ٸرٸ كەشەننٸڭ اشىلۋ سالتاناتىنا وبلىس ەكٸمٸ اماندىق عابباسۇلى ارنايى كەلدٸ. ٶز كەزەگٸندە ول بارشا جەتٸسۋلىقتاردى 1 مامىر قازاقستان حالقىنىڭ بٸرلٸگٸ كٷنٸ مەرەكەسٸمەن قۇتتىقتاپ, اۋقىمدى جوبانى قولعا العان ازاماتتارعا العىسىن بٸلدٸردٸ.
"مەن بٷگٸنگٸ مەرەكەمەن قاتار ٸرٸ زاۋىتتىڭ اشىلعانىنا قۋانىشتىمىن. بۇل جەتٸستٸكتەرگە دوستىق, بەيبٸتشٸلٸك, كەلٸسٸم مەن ٶزارا تٷسٸنٸستٸكتٸڭ ارقاسىندا قول جەتكٸزدٸك. بۇل بٸزدٸڭ اگرارلىق وبلىسىمىز ٷشٸن ٶتە ماڭىزدى كەسٸپورىن. ينۆەستورلارعا شىن جٷرەكتەن العىسىمدى بٸلدٸرەمٸن. الماتى وبلىسىنا, ارگارلىق ٶڭٸرگە كەرەك ٶندٸرٸس ورنى اشىلىپ جاتىر.
قابىلدانعان شارالاردىڭ ارقاسىندا ٶتكەن جىلى وبلىستىڭ ٶنەركەسٸپ ٶندٸرٸسٸنٸڭ كٶلەمٸ 950 ملرد.تەڭگەنٸ قۇرادى, بيىل 1 ترلن. تەڭگەدەن استام بولادى دەپ كٷتٸلۋدە.
جىل سايىن داقىلداردىڭ كٶلەمٸن ۇلعايتۋعا باسىمدىق بەرەمٸز. بٷگٸنگٸ اشىلىپ وتىرعان جاڭا ماي ٶڭدەۋ زاۋىتى دا وسى باعىتتا ٶز ٷلەسٸن قوسادى. وسىلايشا, بٸز ەلباسى قولداعان باستى تاپسىرمالارمەن بٸرگە جۇمىس ٸستەيمٸز.
الماتى وبلىسى بولاشاقتا وسىنداي ٶندٸرٸستەردٸڭ ارقاسىندا اگرارلى-يندۋستريالدىق ايماق بولماق", - دەدٸ اماندىق باتالوۆ.
جاڭا جوبا قازاقستان رەسپۋبليكاسىنىڭ يندۋسترييالىق-يننوۆاتسييالىق دامۋىنىڭ مەملەكەتتٸك باعدارلاماسى شەڭبەرٸندە ٸسكە اسىرىلعانىن اتاپ ٶتكەن جٶن. كومپانييانىڭ بوي كٶتەرۋٸ ٷشٸن مەملەكەت تاراپىنان قولداۋ دا كٶرسەتٸلگەن. اتاپ ايتساق, تالدىقورعان قالاسى اۋماعىنان 2033 جىلدىڭ اياعىنا دەيٸن جالعا الۋ قۇقىعىمەن 18,85 گا جەر بٶلٸنگەن. اتالمىش جوبانى ٸسكە اسىرۋ ٷشٸن 5,8 ملرد. تەڭگە قارجى يگەرٸلگەن. ەزٸرگە 50 جۇمىس ورنى اشىلىپ وتىر, ۋاقىت ٶتە كەلە جۇمىس ورنىنىڭ سانىن 350-گە جەتكٸزۋ جوسپارلانعان.
زاۋىتتا ەڭبەك ەتۋشٸلەردٸڭ ورتاشا جالاقىسى 100 مىڭ تەڭگەنٸ قۇرايدى.
كەسٸپورىن الىنعان ٶنٸمنٸڭ ساپاسىن جاقسارتۋ ماقساتىندا, تۇقىمدى ٶڭدەۋدٸڭ ەكسترۋزييالىق تەحنولوگيياسى قولدانىلاتىن گەرمانييادا قۇراستىرىلعان سوڭعى ٷلگٸدەگٸ قۇرال-جابدىقپەن جاساقتالعان.
تەۋلٸگٸنە 400 توننا مايلى داقىلدار ٶڭدەلەدٸ دەپ كٷتٸلۋدە. الداعى ۋاقىتتا جاڭا اشىلعان ٶندٸرٸس ورنى ٶڭٸردٸڭ اگروٶنەركەسٸپتٸك سەكتورىنىڭ دامۋىنا ىقپال ەتپەك. وسى ارقىلى جەرگٸلٸكتٸ حالىق جۇمىسقا ورنالاسىپ, بيۋدجەتكە دە سالىق تٷسٸمدەرٸ ۇلعايادى.
كومپانييانىڭ باس ديرەكتورى, سيمونوۆ سەرگەي الەكساندروۆيچ. ال, جاڭا ٶندٸرٸس ورنىنىڭ باس قۇرىلتايشىسى تەۋەلسٸز قازاقستان تاريحىنداعى تۇڭعىش پرەمەر-مينيستر سەرگەي تەرەششەنكو. ول زاۋىتتىڭ پايداسى تۋرالى ايتىپ, قولداۋ بٸلدٸرگەن وبلىس باسشىلىعىنا العىسىن جەتكٸزدٸ.
«قازٸرگٸ قيىن ۋاقىتتا بٸز وبلىس ەكٸمٸنٸڭ قولداۋىمەن دوستارىمىزبەن وسى كەسٸپورىندى اشۋدى شەشتٸك. ونىڭ قۇرىلىسىنا شامامەن 7 جىل ۋاقىت كەتتٸ. الماتى وبلىسى قىتايمەن شەكارلاس اۋماق. نەگٸزگٸ ٶنٸمٸمٸز دە سولارعا جٶنەلتٸلمەك. بٸز سويا, جٷگەرٸ, راپس, كٷنباعىس داقىلدارىن ٶڭدەپ, ماي شىعارامىز. جەرگٸلٸكتٸ بيلٸك ينفراقۇرىلىم جٷرگٸزۋگە كٶمەكتەسٸپ, تٸپتٸ تەمٸرجول جولدارىن سالدى. ەلٸمٸزدەگٸ تٶتەنشە جاعدايعا قاراماستان, الماتى وبلىسى ەكٸمدٸگٸنٸڭ قولداۋىمەن بٷگٸن وسى ٶنەركەسٸپ ٸسكە قوسىلدى», - دەدٸ ٶنەركەسٸپتٸڭ باس اكتسيونەرٸ سەرگەي تەرەششەنكو.
«جەتٸسۋ ماجيكو» جشس-گٸ ەزٸرگە شيكٸ زاتتى شىعىس قازاقستاننان الىپ وتىر. ال, پٸستەلەردٸ كٶرشٸلەس رەسەي ەلٸنەن الدىرتادى. جاڭا زاۋىتقا جىلىنا شامامەن 100 مىڭنان استام شيكٸ زات قاجەت»,- دەيدٸ باس ديرەكتور سەرگەي سيمونوۆ.
ٶندٸرٸسكە كەرەكتٸ ٶنٸم كٶلەمٸن تولتىرۋ ٷشٸن ەندٸگٸدە جەرگٸلٸكتٸ داقىلداردى قولدانباق نيەتتە. سول ٷشٸن الماتى وبلىسىندا 200 گا جەرگە كٷنباعىس پەن ماقسارى ٶسٸرٸلۋ كەرەك ەكەن. وسى ماقساتتا ايماق باسشىلىعىمەن كەلٸسٸم شارت جٷرگٸزٸلگەن .
جەرگٸلٸكتٸ بيلٸك تاراپىنان بار جاعداي جاسالعان. يندۋستريالدى ايماققا جول سالىنىپ, كٶگٸلدٸر وتىن جەتكٸزٸلگەن. ينجەنەرلٸك جەلٸ دە تارتىلعان.
جۇمىسىن ەندٸ باستاعان زاۋىت ٶنٸمٸنە سۇرانىستا جوق ەمەس. وسى كٷنٸ كٶرشٸلەس قىتاي ەلٸنەن 2 توننا مايعا تاپسىرىستا كەلٸپ تٷسكەن. مۇنىسى زاۋىتتىڭ نارىقتا ويىپ تۇرىپ ورىن الاتىنىنا دەلەل.
انار سابىروۆا
