القالى وتىرىستى الماتى وبلىسى ىشكى ساياسات باسقارماسىنىڭ قولداۋىمەن وبلىستىق «تالداۋ جانە بولجاۋ» ورتالىعى ۇيىمداستىردى.
اتالعان شاراعا ايماقتاعى ىشكى ساياسات باسقارمالارىنىڭ باسشىلارى مەن ءار اۋداننىڭ ءباسپاسوز-حاتشىلارى ارنايى شاقىرىلعان.
شاقىرتۋ العان قوناقتاردىڭ قاتارىندا الماتى وبلىستىق تىلدەردى دامىتۋ باسقارماسىنىڭ باسشىسى ايدار قاربوز ۇلى، قازاقستان حالقى اسسامبلەياسى فيليالى ءتوراعاسىنىڭ ورىنباسارى، حاتشىلىق مەڭگەرۋشىسى عابيت تۇرسىنباي، الماتى وبلىسى بويىنشا ادەپ جونىندەگى ۋاكىلى عالياسقار تولەندى ۇلى دا بار.
وڭىردەگى قوعامدىق-ساياسي احۋالدىڭ تۇراقتىلىعىن، قوعامدىق كەلىسىمنىڭ ساقتالۋىنا اتسالىسىپ جۇرگەن ازاماتتاردىڭ باسىن قوسقان سلەتتا الماتى وبلىسى ىشكى ساياسات باسقارماسىنىڭ باسشىسى رۋستام ءالي ۇلى مودەراتور قىزمەتىن اتقاردى.
جيىن بارىسىندا بيلىك باسىندا جۇمىس ىستەپ جۇرگەن تۇلعالار ءسوز الىپ، وسى ۋاقىت ارالىعىندا اتقارىلعان ىستەردىڭ ءبىر سىپىراسىنا توقتالدى.
الماتى وبلىسى ىشكى ساياسات باسقارماسى جانىنان قۇرىلعان « Jetisy Media» كمم-سى اشىلعان كەزىنەن باستاپ مەملەكەتتىك ورگاندار مەن قوعامنىڭ ءوزارا ءىس-قيمىلىنىڭ ءتيىمدى تەتىگىن قۇرۋ، جانە مەملەكەتتىك ورگاندارمەن، قوعامدىق بىرلەستىكتەرمەن، ساياسي پارتيالارمەن، جەكە تۇلعالارمەن وبلىستاعى قوعامدىق-ساياسي جانە الەۋمەتتىك-ەكونوميكالىق احۋالدى زەردەلەۋ ماقساتىندا بۇقارالىق اقپارات قۇرالدارىمەن اقپارات اعىمىندا ءوزارا بەرىك ءارى وڭ ءىس-قيمىلىن ورناتۋدا. بۇل رەتتە «Jetysu Media» 2019 جىلى 215 ءباسپاسوز-ماسليحاتى وتكىزىلىپ، وعان 407 سپيكەر قاتىسقان، اقپاراتتىق كەڭىستىكتە 17 834 ماقالا جاريالاندى. سونداي-اق، «Jetysu Media» كمم-نىڭ ۇيىمداستىرۋىمەن الاكولدە اشىق اسپان استىندا وتكىزىلگەن ءىس-شارادا ەلدىڭ جەتەكشى بلوگەرلەرى قىران تالاپبەك، ەرجان راشيەۆ، بەيبىت الىبەكوۆ كەلىپ، شەبەرلىك ساباقتارىن جۇرگىزگەن.
سونىمەن قاتار، «Pecha kucha» فورماتىنداعى ينتەللەكتۋالدى كەشى وتكىزىلدى، «ماناس» قازاق-قىرعىز زيالىلارىنىڭ حالىقارالىق فورۋمى، «مەرەيلى وتباسى» بايقاۋى، قازاقستاننىڭ جەتىستىككە جەتكەن ايەلدەرىنەن «ايەل جەتىستىگىنىڭ فورمۋلاسى» تاقىرىبىندا شەبەرلىك ساباقتارى، «قازىرگى زامانعى قازاقستاندىق مادەنيەت جاھاندىق الەمدە» حالىقارالىق عىلىمي-پراكتيكالىق كونفەرەنسياسىنىڭ وتۋىنە مۇرىندىق بولعاندىعى تۋرالى « Jetisy Media» كمم-نىڭ ديرەكتورى جاننا ارىنبەكوۆا جيىن بارىسىندا مالىمدەدى.
بۇدان بولەك، ىشكى ساياسات باسقارماسىنا قاراستى «رۋحاني جاڭعىرۋ» جوبالىق كەڭسەسى ج ش س ديرەكتورىنىڭ ورىنباسارى ەراسىل تولىمبەك ۇلىنىڭ بايانداماسىنان 2019 جىلى وبلىستا «رۋحاني جاڭعىرۋ» باعدارلاماسى اياسىندا 10 ملرد. تەڭگەدەن استام سوماعا 585 جوبالار مەن ءىس-شارالار جۇزەگە اسىرىلعانى ءمالىم بولدى.
بۇدان باسقا، اتىمتاي جومارت ازاماتتاردىڭ قولداۋىمەن ازقامتىلعان جانە كوپبالالى وتباسىلارعا 200-گە جۋىق باسپانانىڭ كىلتى تابىستالعان ەكەن. جانە وزگە دە اۋىز تولتىرىپ ايتارلىقتاي جوبالار ىسكە اسقان.
ىشكى ساياسات باسقارماسىنىڭ موينىنا ارتىلعان مىندەتتەر وتە كوپ. ول ەلدەگى تۇراقتىلىققا بارشا مەملەكەتتىك ۇيىمداردىڭ ىسىنە جاۋاپتى بىردەن ءبىر باسقارما ەكەنى داۋسىز. وسى ورايدا الىدە اتقاراتىن قىرۋار جۇمىس بار. سونى جۇزەگە اسىرۋ ءۇشىن الدىعا قويعان بىرنەشە ماقستتار بار ەكەنىن الماتى وبلىسى بويىنشا ادەپ جونىندەگى ۋاكىلى عالياسقار سارىبايەۆ ايتتى. ولار :
- بەلسەندى الەۋمەتتىك ساياسات قۇرۋ. ياعني، ءار باسقارمانىڭ كۇنتارتىبىن ايقىنداپ بەرۋ قاجەت. قاي باعىتتا جۇمىس جاسايتىنىن انىقتاپ كورسەتۋ كەرەك. سول سەبەپتى دە «مەديا»، «بولجاۋ» ورتالىقتارى قۇرىلعان بولاتىن.
- ءار كىمگە قول جەتىمدى بولاشاق. بۇل جەردە ەل جاستارىن بىلىممەن قامتاماسىز ەتۋ باستى نازاردا بولۋى ءتيىس. ادامي كاپيتالدى ارتتىرىپ، قولدانبالى ءبىلىمدى دامىتۋعا ءمان بەرگەن ءجون.
- اقپاراتتىق تەحنولوگيالاردىڭ ءوسۋى. جاساندى ينتەلەكت بۇگىنگى بۋىننىڭ اجىراماس سەرىگى بولىپ قالدى.
- دەنى ساۋ ادامداردىڭ، مىقتى ۇلتتىڭ قالىپتاسۋى. دەنساۋلىق ساقتاۋ سالاسىنداعى بىلىكتى ماماندار سانىن ارتتىرۋ. بۇگىندە وبىر، قانت دەابەتى سىندى نەبىر كەسەل تۇرلەرى كۇننەن-كۇنگە جاسارىپ كەلەدى. بارلىق اۋرۋلاردىڭ ەرتە كەزدەن باستاپ الدىن الۋعا داعدىلانۋ ماڭىزدى.
- ەكونوميكانىڭ ءوسۋى. بۇل ورتاق يگىلىكتى ماقسات. وسى باعىتتا وبلىس كولەمىندە كوپ ىستەر جاسالىندى. ءبىراق ءوز ىشىمىزدە ءبىلىپ قانا قويماي، حالىق اراسىندا ءتۇسىندىرۋ، ناسيحاتتاۋ جۇمىستارىن جۇرگىزۋ جولعا قويىلۋى ءتيىس.
- قوعامنىڭ ءال-اۋقاتىن ارتتىرۋ نەگىزىندە بيزنەستى قولداۋ. ەلباسى نۇرسۇلتان نازاربايەۆ پەن ەل پرەزيدەنتى قاسىم-جومارت توقايەۆ شاعىن جانە ورتا كاسىپكەرلىكتى قولداۋ ماقساتىندا نەبىر باعدارلامالاردى ىسكە قوستى. الايدا، حالىق بىلمەيدى. ناسيحات از.
- ازاماتتاردىڭ قولايلى ءومىر ءسۇرۋى ءۇشىن جاعداي جاساۋ. ءار ادام جاقسى تىرلىك كەشكىسى كەلەدى. سوندىقتان ۋربانيزاسيا ماسەلەسىن جولعا قويىپ، اۋىلداعى اعايىندى قالاعا تارتۋ كەرەك.
- ازاماتتار وكىلەتتىلىگى ءۇشىن مەملەكەتتىك قىزمەتتىڭ تيىمدىلىگىن ارتتىرۋ.
- مەملەكەتتىك قىزمەتشىنىڭ قۇقىعىن قورعاۋ. زاڭ اياسىندا جۇمىس جاساۋ.
- جاستاردى قولداۋ. جاستارعا جول بەرىپ، قىزمەتكە تۇرىپ ، جۇمىس جاساۋىنا مۇمكىندىك بەرۋ .
ءسوز سوڭىندا ول مەملەكەتتىك مۇددەسىن قورعايتىندا، ادامنىڭ وي-ساناسىن وزگەرتۋگە ىقپالى بار باسقارما ىشكى ساياسات ەكەنىن ناقتىلاپ كورسەتتى.
مىنبەگە شىققان قوناقتاردىڭ ءسوزى اياقتالعاننان كەيىن جىل بويى ۇزدىك كورسەتكىش كورسەتىپ، تىنباي ەڭبەك ەتكەن ماماندار مەن باسشىلار ماراپاتتالدى.
اۋماقتاعى ىشكى ساياسات ءبولىمىنىڭ باسشىلارى كەلەسىدەي رەتپەن لايىقتى باعالارىن الدى.
«ىشكى ساياساتتىڭ ۇزدىك باسشىسى» اتالىمىنا - كەربۋلاق اۋدانىڭ ىشكى ساياسات ءبولىمىنىڭ باسشىسى گۇلميرا دۇيسەنبەك قىزى يە بولسا، «ىشكى ساياساتتىڭ ۇزدىك باسشىسى» - تالدىقورعان قالاسىنىڭ ىشكى ساياسات ءبولىمىنىڭ باستىعى ادىلەت رىمتايەۆقا بۇيىردى. جۇلدەلى ءىىى - ورىن «ىشكى ساياساتتىڭ ۇزدىك باسشىسى» اتاۋىنا تەكەلى قالاسىنىڭ ىشكى ساياسات ءبولىمىنىڭ جەتەكشىسى - نۇرجامال ابدراحمان قىزى لايىقتى بولىپ تابىلدى. ال، ءىى - ورىن «ىشكى ساياساتتىڭ ۇزدىك باسشىسى» اتاعى - قاراساي اۋدانىڭ ىشكى ساياسات ءبولىمىنىڭ باسشىسى امينا ادراحمانوۆاعا تيەسىلى بولدى. بيىك تۇعىر، ءى - ورىن «ىشكى ساياساتتىڭ ۇزدىك باسشىسى» دەگەن اتاۋ جامبىل اۋدانىڭ ىشكى ساياسات ءبولىمىنىڭ باسشىسى - ايتكۇل جۇماعاليقىزىنا بۇيىردى.
سىي-سياپات العان كوشباسشىلاردىڭ قاتارىنان اۋدان، قالا اكىمدەرى دە كورىندى.
بالقاش اۋدانىنىڭ اكىمى عالىم توقپەيىسوۆ - «قوعامدىق تۇراقتىلىق پەن كەلىسىم» نوميناسياسىنىڭ يەگەرى اتاندى. ءىىى-ورىن ەڭبەكشىقازاق اۋدانىنىڭ اكىمى ءبينالى ءابدىقاپاس ۇلىنىڭ قانجىعاسىنا بايلاندى. ءىى- ورىن پانفيلوۆ اۋدانىنىڭ اكىمى تالعات ابەنۇلىنا تيەسىلى بولسا، حالىقپەن اركەز اشىق بايلانىستا بولاتىن تەكەلى قالاسىنىڭ اكىمى باقتيار ونەربايەۆ ءى- ورىندى يەلەندى.
مەملەكەتتىك مەمكەمەلەردەگى جاسالىنىپ جاتقان جۇمىستاردى حالىققا جەتكىزىپ، اقپاراتپەن قامتاماسىز ەتىپ جۇرگەن، «ارقالاعانى التىن، جەگەنى جانتاق» بولعان ءباسپاسوز-حاتشىلارىنىڭ ىشىندەگى ءبىلىمى مەن بىلىگى قاتار شاپقان تالانتتى جاستارعا دا ارنايى ديپلومدار تابىستالدى.
سارقان اۋدانىنىڭ ءباسپاسوز-حاتشىسى ولجاس قۇرماشيەۆ «ەڭ وپەراتيۆتى باسپا ءسوز حاتشىسى» اتانسا، «ۇزدىك اقپاراتتىق باسپا ءسوز حاتشىسى» كوكسۋ اۋدانىنىڭ ءباسپاسوز-حاتشىسى - ايگۇل ايمانبەكوۆاعا بۇيىردى. «جىل سەرپىنى» نوميناسياسىن ەسكەلدى اۋدانىنىڭ ءباسپاسوز-حاتشىسى - اليما مۇرات قىزى الدى. ءىىى – ورىن ايدىندى الاكول ءباسپاسوز-حاتشىسى ايدانا تىنىسبەكوۆانىڭ قورجىنىنا ءتۇستى. ءىى - ورىندى پانفيلوۆ اۋدانىنىڭ ءباسپاسوز-حاتشىسى - نۇربول حاناعات يەمدەنسە، ءى دارەجەلى ديپلومدى ەڭبەكشىقازاق اۋدانىنىڭ ءباسپاسوز-حاتشىسى دينارا تيۋلەميسوۆا تاقىمىنا باستى.
وسىلايشا، جەتىسۋ جەرىنىڭ دامۋىنا ىقپال ەتىپ، ايانباي تەر توگىپ جۇرگەن ساڭلاقتار وزدەرىنە تيەسىلى تۇعىرىنا شىقتى. شارانىڭ سوڭى جابىق تۇردە وتكەن سەمينار-ترەنينگكە ۇلاستى.
انار سابىروۆا
