الماتى وبلىسىنىڭ اكىمدىگىندە اسسامبلەيا مۇشەلەرىمەن كەڭەس وتىرىسى وتكىزىلدى. القالى جيىندى وبلىس اكىمىنىڭ ءبىرىنشى ورنباسارى نۇرلان ءابدىراحىم ءتوراعالىق ەتتى، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
دوڭگەلەك ۇستەلگە ايماقتاعى اۋدان اكىمدەرى مەن ەتنومادەني بىرەستىكتىڭ ءتوراعالارى، انالار جانە اقساقالدار كەڭەسىنىڭ مۇشەلەرى مەن قوعامدىق مەدياتورلار قاتىستى.
نۇرلان ءابدىراحىم، ەڭ الدىمەن جيىنعا قاتىسۋشىلاردى ناۋرىز مەرەكەسىمەن قۇتتىقتاي كەلە، قازاقستان حالقى اسسامبلەياسىنىڭ قوعامداعى ءرولى ماڭىزدى ەكەنىن اتاپ ءوتتى.
– تۇراقتىلىق پەن ەتنوسارالىق كەلىسىمنىڭ ناتيجەسىندە ەل ەكونوميكاسى دامىپ، الەۋمەتتىك جاعدايى جىلدان-جىلعا ارتىپ كەلەدى. الماتى 105 ەتنوس وكىلى تاتۋ تىرشىلىك قۇرىپ، ءتۇرلى سالالاردا تاباندى ەڭبەك ەتۋدە. بۇگىنگى كۇندە وبلىستا 26 ەتنومادەني بىرلەستىك، 146 انالار كەڭەسى، 141 اقساقالدار كەڭەسى جانە 26 قوعامدىق مەدياتور جۇمىس اتقارادى، – دەدى نۇرلان ءابدىراحىم.
جالپى كەڭەس وتىرىسىندا ۇيعىر جانە ەڭبەكشىقازاق اۋداندارىنداعى ەتنوسارالىق كەلىسىمدى نىعايتۋ جانە الماتى وبلىستىق اسسامبلەيا مۇشەلەرىنىڭ روتاسياسى جانە قازاقستان حالقى اسسامبلەياسىنىڭ كەزەكتى XXءحىIءى (33) سەسسياسىنا قاتىسۋشىلار ءتىزىمىن بەكىتۋ ماسەلەسى قارالدى.
جيىن بارىسىندا كۇن تارتىبىندەگى ءبىرىنشى ماسەلە بويىنشا ءسوز، ۇيعىر اۋدانىنىڭ اكىمى بوتا ەلەۋسىزوۆا بايانداما جاسادى.
ال، ەكىنشى ماسەلەنى تالقىلاۋ بارىسىندا جالپى داۋىس بەرۋ ارقىلى الماتى وبلىسى قازاقستان حالقى اسسامبلەياسى كەڭەسى ءتوراعاسىنىڭ جاڭا ورىنباسارى سايلاندى.
ايتا كەتەيىك، قازاقستان حالقى اسسامبلەياسىنىڭ وڭىرلىك كەڭەسىنىڭ ءتوراعاسى وبلىس اكىمى بولىپ تابىلادى. ال ورىنباسارى جىل سايىن سايلانادى. بيىل الماتى وبلىسى كۇرد ەتنومادەني ورتالىعىنىڭ باسشىسى گامزە گەيداروۆ ورىنباسار بولىپ سايلاندى. ونىڭ ورنىنا تاتار – باشقۇرت ەتنومادەني ورتالىعىنىڭ بۇرىنعى ورىنباسارى ەلدار يۋلدابايەۆ كەلدى.
جيىننىڭ قورىتىندىسىنا سايكەس، الماتى وبلىسىنىڭ ىشكى ساياسات باسقارماسى، «قوعامدىق كەلىسىم جانە دامۋ ورتالىعى» كوممۋنالدىق مەملەكەتتىك مەكەمەسى، اۋداندار مەن قونايەۆ قالاسى اكىمدىكتەرىنە ءبىرقاتار تاپسىرمالار بەرىلدى.
ەندىگى كەزەكتە، تىركەۋدەن وتپەگەن ەتنومادەني بىرلەستىكتەر مەملەكەتتىك تىركەۋمەن قامتىلۋى ءتيىس. سونداي-اق، قازاقستان حالقى اسسامبلەياسىنىڭ مۇشەلەرى ەتنوسارالىق شيەلەنىستىڭ الدىن الۋ جۇمىستارىنا بەلسەنە قاتىسۋى مىندەتتەلمەك.
بۇدان وزگە، اۋداندار مەن قونايەۆ قالاسىنىڭ اكىمدەرى ەتنومادەني ورتالىقتاردىڭ جانىنان ءان-بي انسامبلدەرىن قۇرىپ، ۇيىرمەلەر اشۋعا قولداۋ ءبىلدىرۋى كەرەك.
جيىن سوڭىندا نۇرلان ءابدىراحىم، قابىلدانعان شەشىمدەر ۋقىتىلى ءارى ساپالى ىسكە اسۋى قاجەتتىگىن ەسكەرتتى.
