Almaty oblysynyń ákimdiginde Assambleia múshelerimen keńes otyrysy ótkizildi. Alqaly jiyndy oblys ákiminiń birinshi ornbasary Nurlan Ábdirahym tóraǵalyq etti, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Dóńgelek ústelge aimaqtaǵy aýdan ákimderi men etnomádeni birestiktiń tóraǵalary, analar jáne aqsaqaldar keńesiniń músheleri men qoǵamdyq mediatorlar qatysty.
Nurlan Ábdirahym, eń aldymen jiynǵa qatysýshylardy Naýryz merekesimen quttyqtai kele, Qazaqstan halqy Assambleiasynyń qoǵamdaǵy róli mańyzdy ekenin atap ótti.
– Turaqtylyq pen etnosaralyq kelisimniń nátijesinde el ekonomikasy damyp, áleýmettik jaǵdaiy jyldan-jylǵa artyp keledi. Almaty 105 etnos ókili tatý tirshilik quryp, túrli salalarda tabandy eńbek etýde. Búgingi kúnde oblysta 26 etnomádeni birlestik, 146 Analar keńesi, 141 Aqsaqaldar keńesi jáne 26 qoǵamdyq mediator jumys atqarady, – dedi Nurlan Ábdirahym.
Jalpy keńes otyrysynda Uiǵyr jáne Eńbekshiqazaq aýdandaryndaǵy etnosaralyq kelisimdi nyǵaitý jáne Almaty oblystyq Assambleia músheleriniń rotatsiiasy jáne Qazaqstan halqy Assambleiasynyń kezekti XXHIII (33) sessiiasyna qatysýshylar tizimin bekitý máselesi qaraldy.
Jiyn barysynda kún tártibindegi birinshi másele boiynsha sóz, Uiǵyr aýdanynyń ákimi Bota Eleýsizova baiandama jasady.
Al, ekinshi máseleni talqylaý barysynda jalpy daýys berý arqyly Almaty oblysy Qazaqstan halqy Assambleiasy Keńesi tóraǵasynyń jańa orynbasary sailandy.
Aita keteiik, Qazaqstan halqy Assambleiasynyń óńirlik keńesiniń tóraǵasy oblys ákimi bolyp tabylady. Al orynbasary jyl saiyn sailanady. Biyl Almaty oblysy kúrd etnomádeni ortalyǵynyń basshysy Gamze Geidarov orynbasar bolyp sailandy. Onyń ornyna tatar – bashqurt etnomádeni ortalyǵynyń burynǵy orynbasary Eldar Iýldabaev keldi.
Jiynnyń qorytyndysyna sáikes, Almaty oblysynyń ishki saiasat basqarmasy, «Qoǵamdyq kelisim jáne damý ortalyǵy» kommýnaldyq memlekettik mekemesi, aýdandar men Qonaev qalasy ákimdikterine birqatar tapsyrmalar berildi.
Endigi kezekte, tirkeýden ótpegen etnomádeni birlestikter memlekettik tirkeýmen qamtylýy tiis. Sondai-aq, Qazaqstan halqy Assambleiasynyń músheleri etnosaralyq shielenistiń aldyn alý jumystaryna belsene qatysýy mindettelmek.
Budan ózge, aýdandar men Qonaev qalasynyń ákimderi etnomádeni ortalyqtardyń janynan án-bi ansamblderin quryp, úiirmeler ashýǵa qoldaý bildirýi kerek.
Jiyn sońynda Nurlan Ábdirahym, qabyldanǵan sheshimder ýqytyly ári sapaly iske asýy qajettigin eskertti.
