تولەمدەردىڭ مولشەرىن ەسەپتەۋ كەزىندە ازاماتتىڭ بارلىق قۇجاتتاردى ەسەپكە الۋ قۇقىعىن قامتاماسىز ەتۋ، زەينەتاقى ىستەرىن قالىپتاستىرۋداعى زاڭ بۇزۋشىلىقتاردى تەكسەرۋ جانە انىقتاۋ – دەپارتامەنتتىڭ زەينەتاقى جانە الەۋمەتتىك قامسىزداندىرۋ بولىمدەرىنىڭ جۇمىسى بولىپ تابىلادى.
الەۋمەتتىك تولەمدەردىڭ تۇرلەرى ادام تۋىلعاننان باستاپ، قايتىس بولعانعا دەيىن تاعايىندالادى، الەۋمەتتىك تولەمدەر ازاماتتاردىڭ ەڭ كەڭ ساناتتارىن، ۇلى وتان سوعىسىنىڭ ارداگەرلەرىن، ءبىرىنشى، ەكىنشى جانە ءۇشىنشى توپتاعى مۇگەدەكتەردى، كوپ بالالى انالاردى جانە ت.ب. قامتيدى.
ايتا كەتۋ كەرەك بيىل جىل باسىنان، ناقتىلاساق 1 قاڭتاردان باستاپ جاسىنا بايلانىستى زەينەتاقى تولەمدەرىنىڭ مولشەرى 7%-عا وسكەن.
– 2020 جىلدىڭ 1 ساۋىرىنە دەيىن تاعايىندالعان جاسىنا بايلانىستى زەينەتاقى تولەمدەرىنىڭ مولشەرى 5%-عا ارقتان. ناتيجەسىندە 2020 جىلى جاسىنا بايلانىستى زەينەتاقى تولەمدەرىنىڭ مولشەرى 12%-عا ءوستى، – دەپ مالىمدەدى ەڭبەك، الەۋمەتتىك قورعاۋ جانە كوشى-قون كوميتەتىنىڭ الماتى وبلىسى بويىنشا دەپارتامەنتى باسشىسىنىڭ الەۋمەتتىك ماسەلەلەر جونىندەگى ورىنباسارى دوسجان باقىتجان ۇلى.
توتەنشە جاعداي ەنگىزىلگەن كەزەڭدە مۇگەدەكتىگى بويىنشا جاردەماقى الۋشىلارعا تولەم اۆتوماتتاندىرىلعان رەجيمدە 3 ايعا 3 مارتە ۇزارتىلدى. ەڭ العاش رەت 12 مامىردا 5218 ازامات، ەكىنشىسىندە 10 شىلدە دە 3381 ادام، سوڭىندا ياعني، 19 تامىز كۇنى 776 تۇلعا جاردەماقى العان.
سوڭعى 9 اي ىشىندە دەپارتامەنتتەن 204 090 زەينەتاقى، جاردەماقى جانە الەۋمەتتىك تولەمدەر تاعايىندالعان. ونىڭ ىشىندە جاڭادان تاعايىندالعان ىستەردىڭ سانى 98644 بۇل 48،3%-دى قۇرايدى.
