Tólemderdiń mólsherin esepteý kezinde azamattyń barlyq qujattardy esepke alý quqyǵyn qamtamasyz etý, zeinetaqy isterin qalyptastyrýdaǵy zań buzýshylyqtardy tekserý jáne anyqtaý – departamenttiń zeinetaqy jáne áleýmettik qamsyzdandyrý bólimderiniń jumysy bolyp tabylady.
Áleýmettik tólemderdiń túrleri adam týylǵannan bastap, qaitys bolǵanǵa deiin taǵaiyndalady, áleýmettik tólemder azamattardyń eń keń sanattaryn, Uly Otan soǵysynyń ardagerlerin, birinshi, ekinshi jáne úshinshi toptaǵy múgedekterdi, kóp balaly analardy jáne t.b. qamtidy.
Aita ketý kerek biyl jyl basynan, naqtylasaq 1 qańtardan bastap jasyna bailanysty zeinetaqy tólemderiniń mólsheri 7%-ǵa ósken.
– 2020 jyldyń 1 sáýirine deiin taǵaiyndalǵan jasyna bailanysty zeinetaqy tólemderiniń mólsheri 5%-ǵa arqtan. Nátijesinde 2020 jyly jasyna bailanysty zeinetaqy tólemderiniń mólsheri 12%-ǵa ósti, – dep málimdedi Eńbek, áleýmettik qorǵaý jáne kóshi-qon Komitetiniń Almaty oblysy boiynsha departamenti basshysynyń áleýmettik máseleler jónindegi orynbasary Dosjan Baqytjanuly.
Tótenshe jaǵdai engizilgen kezeńde múgedektigi boiynsha járdemaqy alýshylarǵa tólem avtomattandyrylǵan rejimde 3 aiǵa 3 márte uzartyldy. Eń alǵash ret 12 mamyrda 5218 azamat, ekinshisinde 10 shilde de 3381 adam, sońynda iaǵni, 19 tamyz kúni 776 tulǵa járdemaqy alǵan.
Sońǵy 9 ai ishinde Departamentten 204 090 zeinetaqy, járdemaqy jáne áleýmettik tólemder taǵaiyndalǵan. onyń ishinde jańadan taǵaiyndalǵan isterdiń sany 98644 bul 48,3%-dy quraidy.
