بۇل تۋرالى ايماق باسشىسى اماندىق باتالوۆ جولداۋدى تالقىلاعان جيىندا ءمالىم ەتتى.
«مەملەكەت باسشىسى جولداۋدا ۇكىمەتكە الداعى جىلدىڭ جىلدىڭ العاشقى ايىنان باستاپ ەڭ تومەنگى ايلىقتى ءبىر جارىم ەسەگە كوتەرۋدى تاپسىرعان بولاتىن.
بۇل جالاقى 28 مىڭ تەڭگەدەن 42 مىڭ تەڭگەگە دەيىن وسەدى دەگەن ءسوز.
بۇل مىندەت وڭىرىمىزدەگى 100 مىڭعا جۋىق تۇرعىنعا تىكەلەي قاتىستى، سونىڭ ىشىندە 41 مىڭ بيۋدجەتتىك ۇيىم قىزمەتكەرلەرىنە ەڭبەكاقىسى ورتا ەسەپپەن 35 پايىزعا وسەدى»، - دەدى الماتى وبلىسىنىڭ اكىمى اماندىق باتالوۆ.
وسى رەتتە، ءوڭىر باسشىسى وبلىس اكىمىنىڭ ورىنباسارى جەڭىس تۇياقوۆقا، ەكونوميكا جانە بيۋدجەتتىك جوسپارلاۋ باسقارماسىنا قارجى قاجەتتىلىگىن انىقتاپ، ونى 2019 جىلعا ارنالعان بيۋدجەتتە قاراستىرۋدى تاپسىردى.
