الماتى وبلىسى جانە ءوڭىردىڭ ەكى ميلليون تۇرعىنى مەن قوناقتارى، ناۋرىز مەيرامىن داستۇرلەر مەن جاڭاشىلدىقتاردى ۇيلەستىرە وتىرىپ، ۇمىتىلمايتىن جاڭا اۋقىمدا قارسى الۋدا.

الماتى وبلىس كوشەلەرى ناۋرىز مەرەكەسىنىڭ جاڭا لوگوتيپى بەينەلەنگەن جارقىن پلاكاتتارمەن بەزەندىرىلىپ، مەيرامحانالار مەن ءدامحانالار، ونىڭ ىشىندە قونايەۆ قالاسىنداعى اتاقتى مەكەمەلەر كەلۋشىلەرگە، ۇلتتىق تاعامداردان مەرەكەلىك اس مازىرلەرىن ۇسىنادى.

ناۋرىزدىڭ 1 مەن 25 كۇندەرى ارالىعىندا 92 ءىرى ساۋدا ورتالىعىندا «ناۋرىز ساتۋ» جەڭىلدىك اكسياسى وتۋدە. سونىمەن قاتار 11-24 ناۋرىز ارالىعىندا ءىرى ساۋدا ورتالىقتارىنىڭ الدىندا «ناۋرىز قالاشىقتارى» ۇيىمداستىرىلىپ، كەلۋشىلەر قازاقتىڭ كيىز ۇيلەرىن، كورمەلەرىن، جارمەڭكەلەر مەن تيك-توكتاعى فوتورەپورتاجداردى تاماشالاي الادى.

ناۋرىزدىڭ 14ء-ى مەن 23ء-ى ارالىعىنداعى ناۋرىزناما ونكۇندىگى جاڭا داستۇرلەر ەنگىزىپ، مەرەكەنى يدەولوگيالىق ماعىنامەن، ءار كۇنىن تاقىرىپتىق باعىتتارىمەن تولىقتىرادى:

14 ناۋرىز: «كورىسۋ كۇنى – امال مەرەكەسى» 3000 ادام قاتىساتىن كەزدەسۋلەرمەن مەرەكەلىك ءىس-شارالار جانە تەاترلاندىرىلعان كورىنىستەر.

15 ناۋرىز: قايىرىمدىلىق اكسيالارىمەن جانە قارتتار ۇيىندەگى ءىس-شارالار

16 ناۋرىز: 2000 ادام قاتىساتىن مادەني شارالارمەن كورمەلەر جانە كونسەرتتەر.

17 ناۋرىز: «شاڭىراق» اتتى وتباسى قۇندىلىقتارىنا ارنالعان بايقاۋلار مەن مەرەكەلىك جارمەڭكەلەر.

18 ناۋرىز: «ۇلتتىق كيىم كۇنى» جانە 500 ادام قاتىساتىن ۇلتتىق كيىم ۇلگىلەرىنىڭ تاقىرىپتىق كورسەتىلىمى مەن چەللەندجدەرى

19 ناۋرىز: «جاڭارۋ» كۇندەرى باعىتىندا الماتى وبلىسى بويىنشا 15 850 اعاش وتىرعىزىلىپ تازارتۋ سەنبىلىگى وتەدى

20 ناۋرىز: «ۇلتتىق سپورت» تاقىرىبىندا ويىندار ۇيىمداستىرىلادى.

21 ناۋرىز: «ىنتىماق» تاقىرىبىنداعى تۇرعىن ءۇي كۆارتالدارىنىڭ ۇلتتىق مەرەكەلىك ءىس-شارالارى.

22 ناۋرىز: «جىل باسى» اتتى بۇقارالىق شارالار، حالىقتىق مەرەكەلەر مەن مەرەكەلىك جارمەڭكەلەر.

23 ناۋرىز: «تازارۋ» جالپىۇلتتىق ەكولوگيالىق جانە اۋماقتاردى جاپپاي تازالاۋ ناۋقانى

مەرەكەلىك شارالاردان بولەك، الماتى وبلىسىنىڭ دامۋى مەن وركەندەۋىنىڭ سيمۆولىنا اينالاتىن، وبلىستاعى دەنە شىنىقتىرۋ-ساۋىقتىرۋ جانە سپورت كەشەندەرىن، كاسىپورىندار مەن ەمدەۋ مەكەمەلەرىن قامتيتىن جاڭا نىسانداردى اشۋ جوسپارلانۋدا.

الماتى وبلىسىنداعى ناۋرىز مەيرامىن تويلاۋ، ءوڭىردىڭ مادەني مۇراسىنىڭ بايلىعى مەن تۇرعىندارىنىڭ بىرلىگىن كورسەتەتىن جارقىن جانە ۇمىتىلماس وقيعا بولماق.  بارشاڭىزعا كوپتەگەن جاعىمدى ەموسيالار سىيلايتىن جانە جاڭا داستۇرلەردىڭ باستاۋى بولاتىن تاماشا مەرەكەگە دايىن بولىڭىزدار!